Сб, 23.10.2021Приветствую Вас, Гость! | RSS

Севернорусский летописный свод

СЕВЕРНОРУССКИЙ ЛЕТОПИСНЫЙ СВОД 1472 года
Подготовка текста и комментарии Я. С. Лурье, перевод В. В. Колесова
Севернорусский летописный свод, по существу противостоящий великокняжескому летописанию 70-х гг., отразился главным образом в двух летописях — Ермолинской, текст которой доведен до 1481 г., и Сокращенном летописном своде конца XV в. (опубликован в ПСРЛ, т. XXVII. Μ.—Л., 1962 в двух видах: Сокращенный свод 1493 г. и Сокращенный свод 1495 г.; сохранился еще не опубликованный Соловецкий вид). Начальная часть свода, до 1425 г., к сожалению, не может быть реконструирована с достаточной точностью, так как в Ермолинской летописи эта часть почти полностью заменена текстом, сходным с Московским великокняжеским сводом 1479 г. Сходный текст Ермолинской летописи и Сокращенных сводов оканчивается известием ο смерти удельного князя Юрия Васильевича Дмитровского 12 сентября 6981 (1472) г.; очевидно, до этой даты и был доведен лежащий в их основе Севернорусский свод.
Β целом Севернорусский свод охватывал время начиная с X в. (общее известие Ермолинской летописи и Сокращенного свода ο том, что вещий Олег умер, «уяден скорпией из главы мертваго коня своего», — 912 г.) до 70-х гг. XV в. Публикуемая часть свода излагает события от смерти Василия Дмитриевича (1425), включая историю борьбы за московский престол 1430—1450 гг., новгородские походы 1456 и 1471 гг., приведшие к фактическому подчинению Новгорода, присоединение Ярославского княжества в 1463 г., казанские походы.
Севернорусский свод 1472 г. во многих отношениях может считаться замечательным литературным памятником. Завершение свода известием ο смерти Юрия Дмитровского, как и ряд известий ο его военных подвигах, позволяет связывать свод с этим князем; однако перед нами не местная летопись Дмитровского княжества, а общерусский свод, для которого Юрий Васильевич является лишь одним из важных персонажей — наряду с опальным воеводой Федором Басенком, сосланным в Кирилло-Белозерский монастырь, князем Михаилом Андреевичем Белозерским и его сыном Василием и т. д. Связь целого ряда персонажей свода с Кирилло-Белозерским монастырем (Юрий Дмитровский был одним из крупных вкладчиков монастыря), а также отражение Северно-русского свода в ряде кратких кирилло-белозерских летописцев позволяют видеть в нем летопись, составленную в этом монастыре — одном из важнейших культурных центров Древней Руси (подробнее см.: Лурье Я. С. Общерусские летописи XIV—XVI вв. Л., 1976, с. 168—209). Кирилло-Белозерский монастырь постоянно занимал самостоятельную позицию в борьбе между основными политическими силами XV в., в монастыре переписывались разнообразные, в том числе и сугубо «неполезные», с точки зрения официальной церковной идеологии, памятники. Скептическая позиция, которую занимал составитель публикуемого свода в рассказе 1463 г. ο ярославских чудотворцах, соответствует позиции бывшего игумена монастыря Трифона, занимавшего в 1462—1467 гг. ростовский архиепископский престол и вынужденного оставить его из-за того, что он не признал новоявленных чудотворцев; вероятно, свод был создан в кругу кирилловских сподвижников Трифона. Многими чертами этот свод перекликается с литературной деятельностью кирилло-белозерского книгописца Ефросина (см. ο нем коммент. ниже), включавшего в свои сборники ряд «отреченных» сочинений, которые он сам не рекомендовал «честь в зборе» и показывать многим; краткий летописчик Ефросина связан с публикуемым Севернорусским сводом. Признавая московского великого князя «великим осподарем», севернорусский летописец позволил себе, однако, резкую и яркую критику действий этого государя и его воевод — особенно в описании казни серпуховских дворян в 1462 г. и рассказе ο ярославских чудотворцах.
Публикуемый текст представляет собой научную реконструкцию, отдельные части которой имеют гипотетический характер. Β реконструкцию включались прежде всего совпадающие известия Ермолинской летописи (ПСРЛ, т. XXIII. СПб., 1910; далее: Е) и Сокращенных сводов (ПСРЛ, т. XXVII. М.—Л., 1962; далее: СС), учитывались также близкий к Ε до 1481 г. «Летописец Русский» (опубликованный А. Н. Насоновым в сборнике «Материалы по истории СССР», т. II. М., 1957; далее ЛР) и близкий κ Сокращенному своду Устюжский летописец (Устюжская летопись; ПСРЛ, т. 37; далее: Уст). Включались также известия, сохранившиеся лишь в одной из летописей, но логически и текстуально связанные с основным текстом.

СЕВЕРНОРУССКИЙ ЛЕТОПИСНЫЙ СВОД 1472 года
оригинал
В лето 6933. Преставися благоверный и христолюбивый князь велики Василей Дмитреевичь всея Руси месяца февраля 27 по сборе въ вторник в 3 часа нощи.
Митрополитъ Фотей сь тоя же нощы посла по брата его Юрьа въ Звенигородъ Окинфа, онъ же, не ида на Москву, иде к Галичу, а на великомъ княжении седе Василей Васильевичь. И князь Юрьи взя перемирие до Петрова дни с нимъ.
Того же лета преставися князь велики Иван Михайловичь Тверской.
В лето 6934. На лето ходил Витовтъ ко Пьскову, а был под Опочками да под Вороночем.
В лето 6935. Моръ <...> великъ.
В лето 6936. Витофтъ ходилъ къ Новугороду и стоялъ у Порхова; они же добиша ему челомъ 5000 рублевъ, владыка зъ бояры новогородьскыми 5000 рублевъ другую даша ему, а за полонъ дастъ владыка свою тысячю рублевъ.
Тое же зимы месяца ноября 17 преставися преподобный игумен Никонъ, чюдный старець в 5 час дни.
В лето 6937. Приходиша татарове к Галичю и града не взяша, а волости повоеваша, а на Крещение приидоша изгономъ на Кострому, и попленише ю, и отъидоша на Низ Волгою. Князь же великы Василей, то слышавъ, посла за ними дядь своихъ, князя Андрея и Костянтина, и с ними Ивана Дмитреевича; они же до Нижнего Новагорода ходивъ, и не угониша ихъ, и възвратишася.
В лето 6938. Въ Смоленьсце явися волкъ голъ, безъ шерьсти, и много людей елъ, а в Троцехъ озеро стояло семь дней кроваво. Того же лета Витофтъ умре, бывъ на великомъ княжении 38 лет. И седе по немъ Швитригайло. А князь Юрьи разверже миръ съ великымъ княземъ и, оставя Галичь, седе, шедъ, в Нижнемъ Новегороде; и князь великы посла на него рать с дядею своимъ, княземъ Костянтиномъ. Онъ же то слыша, и отъиде за Суру, и ста на брезе, и князь Костяньтинъ, стоявъ противу, възвратися, зане не бяше, какъ преити на нь. И князь Юрьи по отшествии ихъ пакы прииде в Новъгородъ. Того же лета Айдаръ повоевалъ землю Литовьскую, и градъ взя Мченескъ, и Григорья Протасьева поималъ, а Киева не доиде за 80 верстъ, воюя.
В лето 6939. Князь великы Василей посылалъ князя Феодора Давидовича Пестрого на Болгары, и, шедъ, взя ихъ. Въ то же лето знамение бысть на небеси: столпы огнены. Тогда же засуха велика была, земля и болота горелы, мъгла же стояла 6 недель, яко и солнца не видети, и рыбы въ воде мерли. Того же лета Фотей митрополитъ преставися. Князь великы в Орду поиде, и князь Юрьи после поиде, и дастъ царь Махметъ великое княжение Василью Васильевичу.
В лето 6940. Преставися князь Андрей Дмитреевичь. И князь велики вышолъ и седе на великомъ княжении. И князь Юрьи иде въ свой Звенигородъ, а придалъ ему царь Дмитровъ.
В лето 6941. Женися князь великы Василей Васильевичь, февраля 8, и на той свадбе Захарья Ивановичь Кошкынъ имался за поясъ у князя Васильа у Юрьевича у Косого, и князи и бояре разьехашася по домом. И князь Василей да князь Дмитрей Шемяка совокупяся, и поидоша къ отцю своему въ Галич. Тое же весны князь Юрьи Дмитреевичь съ детми, Иванъ Дмитреевичь с ним, совокупя силу многу, и приидоша к Москве безвестно на великого князя, канунъ Мироносицам, в суботу, апреля 5, на Клязму, за 20 верстъ. Князь же великы выиде противу ихъ не во мнозе и, побився мало, и побеже къ Москве <...>. И взявъ матерь и княгиню свою, и поиде къ Тфери, а со Тфери иде на Кострому. Князь же Юрьи седъ на Москве, и посла детей своихъ, Василья да Дмитрея, за великымъ князем, и сказаша его на Костроме; онъ же и самъ поиде за нимъ и прииде х Костроме; и доби челомъ князь великы дяде своему, князю Юрью, и дасть ему Коломну городъ въ уделъ, а миръ свелъ Семенъ Ивановичь Морозовъ, любовникъ княжь Юрьевъ. Москвичи же вси, князи и бояре, и воеводы, и дети боярьскые, и дворяне, от мала и до велика, — вси поехали на Коломну к великому князю, не повыкли бо служити уделнымъ княземъ, и Иванъ Дмитриеевичь с детьми. Видевше же се князь Василей да Шемяка, и убиша Семена Морозова, боярина отца своего, в набережныхъ сенехъ, рекуще: «Ты учинилъ ту беду отцю нашему и намъ. Издавна еси коромолникъ, а нашь лиходей, не дашь намъ у отца нашего жити». И въструбивше, поехаша с Москвы и поидоша на Кострому. Князь же Юрьи видевъ, яко непрочно ему седение на великомъ княжении, и посла къ великому князю, да идетъ на свой стол, а самъ иде въ свой градъ в Рузу, а князь великы прииде с Коломъны на Москву и помирися со княземъ Юрьемъ, и докончалные поимали на том и крестъ целовали, что великому князю въ его отчину не въступатися, а князю Юрью княжения не хотети, ни детей своихъ приимати, ни помочи имъ не дати на великого князя. И, умирився, князь Юрьи поиде въ Галич, а князь великы князя Юрья Патрекеевича посла воеводою на Юрьевичи со всемъ своимъ дворомъ. Они же отступиша съ Костромы и сташа на Куси, а в то время приспеша къ нимъ вятчане, и от отца прииде имъ помочь, и бысть имъ бой, и одолеша Юрьевичи, и воеводу, князя Юрья Патрекеевича, яли, и приидоша опять на Кострому и, какъ Волга стала, и ни пошли к Турдеевымъ врагомъ <...>.
В лето 6942. Князь великы, слышавъ измену дяди своего князя Юрья, что детемъ своимъ помочь посылалъ на великого князя заставу, и поиде князь великы Галича воевати на зиме той, а князь Юрьи побеже на Белоозеро; князь великы Галичь повоевалъ и пожеглъ, и в полонъ повел. Тое же зимы князь Юрьи посла по дети и по вятчан и, собравъ силу велику, поиде на великого князя; и срете его князь великы въ Ростовьской области, у Николы на горе, и бысть имъ бой в суботу Лазареву. И победи князь Юрьи, а войска его побили много, и прииде к Москве на Страстной недели въ среду, и стоялъ под городомъ неделю, а на Святой недели городъ ему отворили в среду же <...>.
И переможе князь Юрий и поиде к Москве. И пришед, Москву взя и княгини великие поимал и послал в Рузу, а сам седе на великом княжении; князь же велик убежал съ бою в Новгород Великый, и оттоле иде на Мологу, и къ Костроме, и к Новугороду Нижнему. Князь же Юрьи посла за ним дву князей Дмитреев съ силою. Того ж лета преставись князь Юрьи Дмитреевич на великом княжении на Москве. А сын его князь Василей после отца седе на великом княжении на Москве; и седе един месяць. А князи Димитреи смиришась с великим князем и согнаша князя Василья с Москвы. А князь велик Василей Васильевич седе на своей отчине, великом княжении московьском. А князь Василей поиде к Новугороду Великому и оттоле къ Костроме. А Шемяке дал князь велик Углич да Ржеву, а меньшему дал князю Дмитрею Бежицкой Верхъ. А князь Василей Юрьевич Косой нача сбирати воя на Костроме на великого князя.
В лето 6943. Князь Василей Юрьевичь собра силу велику и поиде с Костромы на великого князя, похваляся, съ многыми силами. Князь же великы противу ему поиде, и сретошася у Кузмы Демьяны на Которосли, в Ярославьской отчине, месяца генваря 6; и бысть им бой, и поможе Богь князю великому, а князь Василей убеже в Кашинъ, а рати его побили много. И князь великы посла за нимъ в погоню воеводъ своихъ: Феодора Михайловича Челядню, Василья Михайловича Шею, Андрея Феодоровича Голтяева, Володимера Андреевича Зворыкина, Михаила Чепечкына, и многыхъ людей двора своего; они же не угониша его и, пришедъ, сташа на Вологде, переимая вести про князя. Князь же Василей, окопився и пригнавъ на Вологду, и техъ всехъ воеводъ князя великого поималъ, и со всеми людьми, и оттоле иде въ Заозерье и, пришедъ, ста у Дмитрея святаго на Устьи. И прииде на него изгономъ, безъ вести, князь Феодоръ Дмитреевичь Заозерьскы, со многыми людми; он же поби ихъ и посече многых, и угони на Волочке княгиню Марью. с дочерью и съ снохами, княжю Дмитрееву, а князю Федорову матерь, а самъ князь Феодоръ утеклъ. И оттоле поиде князь Василей на Устюгъ, и там на Устюзе хотели его убити, на порании Велика дни, на заутрени, и бысть ему весть. Онъ же единъ перебеже межи коръ Сухону, на Дымкову сторону, а кто не поспелъ людей его за нимъ, и устюжане техъ побили, а что были иманци князя великого бояре, техъ всехъ отполонили у него. Князь же Василей поиде в велице безверямении, и посла по вятчанъ, и прииде на Кострому с вятчаны. Князь же великы то слышавъ, и собрав воя, поиде на него и, пришедъ, ста у Елпатия святаго на мысе; и нельзе имъ битися о реце Костроме, и помиришася: князь великы дастъ ему городъ Дмитров; и былъ въ Дмитрове единъ месяць <...>.
В лето 6944. Князь Василей Юрьевичь поиде изъ Дмитрова опять на Кострому, а к великому князю розметные послалъ, и владыку ростовьскаго, идучи, пограбилъ, и живе на Костроме до пути, и поиде къ Галичю, а из Галича на Устюг, а вятчане с нимъ. И стоя подъ городомъ 9 недель, и городъ взялъ, а князя великого воеводу Глеба Ивановича убилъ Оболеньского, и десятинника владычня Иева Булатова повесилъ, и многихъ устюжанъ, бояръ и гостей, посеклъ и повешалъ, поминая имъ ту злобу, что хотели его самого изъимати, а людей у него много побили; а бояръ князя великого отполонили.
Тое же зимы князю Дмитрею Шемяке жинитися было на Углече, а поняти дщерь князя Дмитрея Заозерьского; и приехал на Москву князя великого звати на свадбу. И князь велик его поимал и послал на Коломну, а пристав у него Иван Старков, а Коломна за ним же.
А князь Василей Юрьевичь поиде со Устюга на Вологду, и ту его наехаша княжи Дмитреевы братии дворяне 500 человекъ.
И срети его князь велик у святого Покрова на Скорятине в Ростовьской области, а с ним князь Дмитрей Юрьевич Менший, да в ту же пору служил князю великому Иван Баба дрюцьских князей, и зрядив копиа и поидоша вместо и бишась, и побеже князь Василей.
А князя Василья яша и, приведше на Москву, ослепиша его.
В лето 6945. Прииде на Москву Сидоръ митрополитъ <...>.
В лето 6946. <...> Князю великому родися сынъ, князь Юрьи Болшей. Тое же осени князь великы посылалъ братью свою, два князя Дмитреа Юрьевичевъ, и прочихъ князей, и многыхъ воеводъ, с ними же многочисленыя полкы, на царя Махметя на Белеву, а ему же вмале сущу тогда, от иного царя убегшу. И убоявся князей русскых, и нача ся давати имъ въ всю волю ихъ, и въ закладе дети своя давати, и что где взяли, и не в великого князя отчине, полону, то все отдавали, и по тотъ день не чинити имъ пакости. Наши же, видевъше своихъ многое множество, а сихъ худое недостаточьство, и, разгордевшеся, поидоша на нихъ, яко пожрети их хотяще. И припустиша к граду месяца декабря 5, и превозношения ради нашего попустил Бог на нас: малое, худое оное безбожных воиньство одолеша тмочисленым полкомъ нашимъ, неправедне хотящимъ и преже губящимъ. Многое же множество избьено Руси бысть, яко единому агарянину десети или того выше одолети, князи же и выводы вси побегоша. Тогда же убиша князя Андрея Ивановича Лобана Ряполовского, Семена Остафьевича Горстькина, Дмитрея Ивановича Каису, князя Петра Кузминьского, а иных бесчисленое множество побьено бысть и отъ своих хрестьянъ, которыхъ, идучи к бою тому, грабили.
В лето 6947. Приходил царь Магамет к Москве месяца иулиа 3 <...>.
Того же лета князь великы Григорья Протасьевича поимавъ, и очи вымалъ. Царь же стоа у града десять дни и отъиде, а волости и села повоева <...>.
Посады пожже, а христьяньства в полон поведоша много, а граду Москве ничтоже сътвориша.
В лето 949. Митрополит Сидор убежал с Москвы. Тое же осени преставися князь Дмитрей Красной. Тое же зимы князь великы ходил на Новгород, и Демон город взял, а мятля убили порховьского. Тогда же преставися князь Юрьи Болшей, а другий князь Юрьи родися, месяца генваря 22, на Тимофеев день. А дотоле за год на тот же день родился князь велик Иван Васильевич, а крестил его игумен Зиновей троецьскый.
В лето 6950. Князь великы роскынул со княземъ съ Дмитреемъ с Шемякою и поиде на него къ Углечю, онъ же побеже в Бежицкый Верхъ, и князь великы за нимъ; и изгонити было его князю великому, и подалъ ему весть Кулодарь Ирешьскый. Онъ же убеже, а Кулодаря князь великы доличився, да велелъ и́ кнутьемъ бити, по станомъ водя, да и дьячьство отнялъ у него. А самъ до Киясова дошедъ, да воротился, весне бо сущи, и пришедъ на Москву, братью и вси люди распусти по домомъ. А со княземъ с Дмитреемъ князь Иванъ Можайскы въ одиначьстве былъ на Углечи у него, и князь великы его отзвалъ, а далъ ему Суздаль, а преже был за Черторижьскымъ. А князь Дмитрей, а с нимъ князь Александръ Черторижьской, после князя великого пришли ратью ольны до Сергеева манастыря безвестно, и не пусти ихъ игуменъ Зеновей, и еха напередъ самъ игуменъ и помири ихъ.
В лето 6951. Посылалъ князь великы воеводъ своихъ на Рязань, на царевича на Мустофу; они же шедше, и убиша его на речке на Листани. Тогда же убьенъ бысть на томъ бою Василей Ивановичь Жукъ Лыков, коломеньской наместникъ, а Григорья Васильева сына Глебова застрелили в челюсть, тогда же мужьствова Феодоръ Васильевичь Басенокъ. Того же лета князь Иванъ Андреевичь поималъ боярина своего Андреа Дмитреева и с детьми, а жену его Марью сжеглъ безлепъ. Та же зима была студена, а сено дорого.
В лето 6953. Царь прииде к Мурому отъ Новагорода отъ Нижняго, и князь великы поиде противу ему к Володимерю и посла на него воеводы, они же шедше, и побиша татаръ подъ Муромомъ. Тогда же убиша Александра Иванова сына Костяньтиновича въ Гороховце, под Ореховцемъ, въ Новегороде Нижнем, а въ Новомъ затворишася воеводы князя великого, князь Феодоръ Давидовичь да панъ Юшко Драница. А коли князь великы былъ въ Володимери, а тое же зимы пришли литовьскые воеводы: Судивой панъ, Иванъ панъ Гонцевичь, панъ Юрша, Захарья Ивановичь Кошкинъ, а с ними 7000 Литвы, и с Колуги взяли окупъ, а под Козельскомъ стояли неделю; а князь Михайло Ондреевичь слышавъ то, и посла князя Аньдрея Лугвицю, а съ нимъ 300 человекъ, а самъ бе боленъ тогда, чающе не многыхъ людей. Они же сретишася с ними в Суходрови и ударишася на нихъ, и литва побегоша, а наши погнаша. И приведоша ихъ на больше полкы, и ту убиша князя Андрея Васильевича Лугвицу Суздальского, а Судока изымаша и поведоша къ Литве, а сами с техъ местъ възвратишася въ свояси.
Прииде Маматек царевич изгоном съ братом своим съ Ягупом на великого князя Василья Васильевича. И бысть имъ бой и сеча зла у града у Суздаля на поли, и битых бысть обоих много, и поимал царевич князя великого да князя Михаила Андреевича, иуля въ 6, на память отца Сисоя, в пятницю. Того же лета Москва погорела в полночи, город, на съборъ архааггела Гаврила, а в нем осаде сущи, и много людей погорело, а инии потхлися.
В лето 954. Князь велик прииди от царевича ис полону на Дмитриевъ день в Переяславль, и прииде на Москву. И сдумавше князь Дмитрей Шемяка да князь Иван Андреевич Можайски, а с ними коромолил с Москвы Иван Старков, да и от гостей и от троицьских черньцев, и пришли к Москве изгоном, князь Дмитрей да князь Иван, а князь велик у Троици въ Сергееве монастыре. И князь велик сел Дмитрей на Москве, а князь Иван скочив, и поимал князя великого у Троици, и приведше на Москву, ослепиша его, месяца февраля въ 13 день. Того же лета родися князь Андрей на Углечи, августа 14.
В лето 955. Князь Дмитрей Шемяка собрав епископы со всее земли, и честные игумены, и прозвитеры, и, приехав на Углече, и укрепив князя великого крестным целованиемь и проклятыми грамотами, и выпусти его ис поиманиа и с детми, септября 15, и дасть ему Вологду въ удел. И прииде князь велик на Вологду и оттоле в Кирилов монастырь. Игуменъ же Трифон и со всею братьею благослови великого князя Василья Васильевичя и съ его детми на великое княжение, а ркучи так: «Тот грех на мне и на моей братии на главах, что еси целовал и крепость давал князю Дмитрею: а поиди, осподарь, съ Богомъ, и со всею правдою на свою отчину на Москву на великое княжение, а мы за тебя, за осподаря, Бога молим и благословяем». Князь же велики поиде ко Тфери и поиде вся сила московьскаа ко Тфери со вси страны к великому князю, из Литвы прииде князь Василей Ярославич, князь Семен Оболенской, князь Иван Ряпаловской, Феодор Басенок и иных бояръ и князей и воевод и детей боярьских множество, и царевича два, Трегубъ-Каисим и Ягуп, и наехаша князя великого на Углечи. А тогда князь велик на Углечи сватался съ князем великим Борисом Александровичемъ за своего сына Ивана. И прииде на Москву февраля 17, в пяток Сырный.
В лето 956. Благовещение было светлыя недели в понедельникъ. Того же лета моръ былъ на кони великъ да и люди мерли.
В лето 957. Декабря 15 владыка Иона рязанский поставлен бысть на митрополию на Русьскую землю, первой своими епископы, на Москве. Тое же весны князь велик был на Рудине селе въ Ярославле, и приидоша на него князь Дмитрей Шемяка да князь Иван Можайскый со многими людми, и вмале не бысть межи ими кропопролитиа. Князь же Иван Андреевич доби челом князю великому, и князь велики пожаловал его, дал ему Бежицьски Верхъ къ его отчине, Можайску, а Шемяка поиде къ Галичу. Того же лета родися Борисъ у великие княгини Марьи, а князь великы был у Троици. Того же лета съкорые татарове были, догоняли до Похры, тогды полонили княгиню Марью съ снохою Степанидою, князя Василия Оболенського, да Григорьеву жену Козлову Морозова.
В лето 958. Князь велики поиде в Галичь на князя Дмитрея, князь же Дмитрей, собравъ силу многу, и постави у самое стены подле города бой, да из города пособляху, бьюще князя великого ратныхъ, но противу Божией силе ничтоже не успеша и князя великого правде: воскоре побеже Шемяка. Мало не изымаша его, а силу его иныхъ биша, а иных поимаша, а град Галичь взяли, поможе Богъ великому князю месяца генваря 28, а князь Дьмитрей побеже к Новугороду к Великому. На томъ бою убьенъ бысть удалый Григорей Семеновичь Горъсткинъ, новогородский боляринъ, а положенъ бысть въ Ярославли у Спаса, в черньцех и в скиме нареченный инокъ Герма. Того же лета Владимиръ Григорьевичь Ховрин, гость да и боляринъ великого князя, поставилъ предъ своимъ двором церковь кирпичну Возвижение честнаго креста. Того же лета бой былъ с татары на Бетюце, тогды и Ромодана убили.
В лето 959. Георгиа было в Пяток велик Страстныя недели. Того же лета приходили татарове отъ Сиди-Ахметовы орды изгономъ, и слышавъ то князь велики и посла воеводу своего, князя Ивана Звенигородскаго, наместника коломенскаго, на берегъ к великой реце Оке. И виде множество татаръ бесчислено, и побеже отъ берега к великому князю, и поведа ему силу велику татарьскую, а князь велики не успе собрати силы и выйде из града с Москвы, а во осаде остави Иону митрополита, да матерь свою, великую княгиню Софью, и свою великую княгиню Марью, а самъ поиде к рубежу ко тверьскому. Месяца июля въ 2 прииде к Москве царевичь, Сиди-Ахметовъ сынъ, а с ним князи великие ординские, и Едегерь со многими силами, и зажгоша дворы вси на посаде; и понесе ветръ огнь на город со все страны, и бысть страсть велика всемъ людем. Святый же Иона митрополитъ повеле всемъ священикомъ пети молебны по всему граду, и множество народа молитися Богу и пречистой его Матери и великимъ чюдотворцемъ Петру и Алексию, и ветръ утиша, а татарове тое же нощи побегоша от града прочь, слышавьше въ граде шум велик, мняще князя великого пришедша со многими силами.
В лето 960. Князь велики Василей Васильевич посылалъ сына своего, князя великого Иоана Васильевичя, Кокшенги воевати. Того же лета и женися князь велики Иванъ Васильевич, месяца июня 4, и поятъ княжну Марью, дщерь князя великаго Бориса Александровча Тферьского. Того же лета князю великому родися сынъ у великие княгини, князь Андрей Меньший, месяца августа 18.
В лето 61. Месяца апреля в 9 выгоре Москва город от Беклемишова двора. Того же лета преставися великаа княгини Софья въ черницах у Вознесениа, иуня 15. Того же лета князь Дмитрей Шемяка Юрьевич умре со отравы в Великом Новегороде. Того же лета царь турскы Царьгород взял.
В лето 962. Преставися Ефрем, архиепископъ ростовьский и арославский. Того же лета поставленъ бысть Феодосий Бывалцевъ епископомъ граду Ростову. Того же лета князь велики Василей Васильевич городъ Можаескъ взялъ, а князь Иванъ Андреевичь побежалъ в Литву к королю служыти.
В лето 963. Владыку Питирима Пермьского вогуличи убили. Того же лета приходили татарове от Сидиахметевы орды, и прелез Оку, грабили и полон имали, и прочь ушли; а Иван Васильевич Ощера изъстоялъ с коломенскою силою, да их упустил, не смел на них ударитися; тогды же убили те татарове князя Семена Бабича. И пришед Феодоръ Басенокъ съ великого князя дворомъ, татар бил, а полон отимал.
В лето 964. Князь велики Василей Васильевич ходилъ ратью на Великий Новгород; новогородци же, собравъ силу многу, и пошли противу великого князя и пришли под Русу, а туто лучилися князя великого воеводы: князь Иоанъ Васильевичь Оболеньский Стрига з братьею, да Феодоръ Васильевичь Басенок, удалый воевода, новогородцевъ смердовъ били, а иных поимали <...>. А князь велики тогды во Ажелобицахъ стоялъ, и приеха к нему архиепископъ Еуфимий с лучшими людми и доби и челом великому князю на всей его воли. Того же лета преставися князь велики Иоанъ Феодорович Рязанский. Того же лета князь велики Василей Васильевич поималъ шурина своего, князя Васильа Ярославича, месяца иуля въ 10.
В лето 66. Месяца сентября 29 сгоре город Муромъ. Тое же осени, месяца октября 22, треть Москвы сгоре. Тое же зимы, февраля месяца 15, родися великому князю Ивану Васильевичу сынъ, и нарекоша имя ему Иванъ. Того же лета преставися Еуфимий архиепископъ новгородски. Того же лета князь велики посылалъ на Вятку Ряпаловьских, и Григорей Перфушков у вятчан посулы поимал, да имъ норовил, ини Вяткы не взяли. Того же лета поставили церковь кирпичну святое Ведение на Симановьскомъ дворе в городе.
В лето 967. Поставили на Москве Иону архиепископомъ Новугороду Великому. Того же лета Иона митрополитъ у Пречистые поставилъ приделъ, церковь камену во имя Похвалы святыя Богородица. Того же лета князь велики, слышавъ, что Григоре Перхушковъ вятчаномъ норовил, и повеле его изымати, и вести в Муромъ, и посадити в железа, а на Вятку послалъ в свое место князя Ивана Юрьевичя, а с нимъ воеводы свои и дворъ с нимъ свой весь. Он же, шед, городы поималъ Орловъ да Котельничь, а под Хилинымъ стоялъ долго, бьяся на всякъ день; вятчяне же, видяще себе побеждаемы всегда, и добиша челом князю Иоану на всей его воли, чего хотелъ государь князь велики.
В лето 968. Князь велики Василей Васильевчь былъ в Новегороде Великомъ миром. Тогды же Феодоръ Васильевич Басенокъ пил у посадника и поеха ночи на Городище, и удариша на него шилники, и убиша у него слугу, именем Илейку Усатого, рязанца, а сам едва утече на Городище и с товарищи. Новогородци же, слышавше голку, и возмятошася, и приидоша всемъ Новым городомъ на великого князя к Городищу: чаяли, что князя великого сынъ пришелъ ратью на нихъ, и едва утолишася, мало упасе Богъ от кропопролития. Того же лета, месяца июля 14, буря была страшна велми, лесъ ломило и хоромы рвало, а во 18 день солнце гибло того же месяца. Того же лета царь Ахмутъ Большые Орды, Кичи-Ахметевъ сынъ, приходилъ ратью к Переяславьлю к Рязаньскому и стоалъ под городомъ три недели, на всяк день приступая ко граду, бьющеся, граждане же, милостью Божиею и Пречистыя его матери, одолеваху ему и много у него татаръ побили, а отъ гражан ни единъ врежденъ бысть; и поиде прочь с великим срамом, а на Казат улана мирзу велико нелюбие држа, тотъ бо бяше привелъ его, не чающе от Руси ничего съпротивления. Того же лета на монастырьском дворе на Троецкомъ Сергиева манастыря поставлена бысть церковь камена святое Богоявление, да того же лета перед княжимъ двором Васильевича, в Боровитьскихъ воротехъ, заложили церковь камену святаго Иоана Предтечи.
В лето 69. Преставися князь велик Борисъ Александрович Тферскый, февраля 18. А тое же весны преставися Иона митрополит киевский и всея Руси, марта 31. И поставиша на митрополию Феодосиа архиепископа ростовьского, маа 3.
В лето 970. Месяца генуариа 24, в день неделный, у Михаилова Чюда в монастыри, у гроба святаго Алексия митрополита чюдотворца простило черньца Наума, ему же беаше нога отъ рождениа прикорчена, и хожаше на деревяници, и бысть здравъ. Тое же зимы, месяца февраля 1, поставили на Москве владыку на Рязань Давида, казначиа Ионина. Тое же весны, в Великое говейно, на Федоровой недели, прииде весть князю великому, что княжы Васильевы Ярославича дети болярьские и иные дворяне хитростью коею хотеша огосударя князя выняти с Углеча ис поиманиа, и обличися мысль их, и повеле князь велики имать ихъ, Володку Давидова, Парфена Бреина, Луку Посивьева и иных многихъ, казнити, бити и мучити, и конми волочити по всему граду и во всемъ торгом, а последи повеле имь главы отсещи. Множество же народа, видяще сиа, от боляръ и от купець великихъ, и от священиков, и от простых людей во мнозе быша ужасе и удивлении, и жалостно зрение, яко всехъ убо очеса бяху слез исполнени, яко николиже таковая ни слышаша, ниже видеша в руских князехъ бываемо, понеже бо и недостойно бяше православному великому осподарю, по всей подсолнечной сущю, и такими казными казнити, и кровь проливати во святый Великий пост. Тое же весны, не по мнозе времени, в той же во святый пост князь велики повеле у себя на хрепте труд жещи сухотныя ради болести, великая же княгини его и боляре его вси возбраняху ему, он же не послушавъ ихъ, и с техъ местъ разболеся. Того же лета, месяца марта 27, преставися благоверный и христолюбивый великий князь Василей Васильевичь, а княжение великое дасть столъ свой сыну своему, князю великому Иоану Васильевичю. А князю Юрью дасть город Дмитровъ, да Можаескъ, да Серпоховъ, да Хотунь, да бабины села и волости, великие княгини Софии. А князю Андрею Болшему город Углечь Поле, да Бежецский Верхъ, да Звенигород, да мати его, великая княгини Мариа, после великого князя жывота придала ему Романовъ город на Волзе, а прежде того былъ ярославьское княжение. А князю Борису дал город Волок Ламьски, да Ржеву, да Рузу, да после князь велики Иван придалъ ему Вышегород Поротовьский да Марьины села Голтяевы, бабы его, ему же далъ. А сыну своему князю Андрею Меншему далъ городъ Вологду, да Заозерье на Кубене, да князь велики Иоан после придалъ ему городокъ Торусу, да Городець на Поротве. Того же лета князь велики Иоанъ Васильевичь седе на столе отца своего на великомъ княжении в Володимири и на великомъ княжении в Новегороде Великом и Нижнемъ, и на всей Руской земли <...>             далее





 

Источник: https:// www soika.pro /dok/ letopisi, hroniki, puteshestvija, dnevniki/ rus samobjitnaja/
Категория: Летописи, хроники, путешествия, дневники | Добавил: сойка-soika (26.05.2021) | Автор: Сойка-Soika W
Просмотров: 28 | Теги: севернорусский летописный свод | Рейтинг: 0.0/0
Всего комментариев: 0
avatar