Поучения о разных истинах веры, благочестия и христианской жизни П.В. Владимиров ( 2)

2. Поученье любовно
Страх божии имеи в сердци въину и память акы ту суща бога с тобою. на всяком месте. идеже идеши или сядеши.
Страхъмь же акы уздою обръти ум свои и въстязаися по вся часы. да не без въстягновениа ходя пустошьныим научишися.
Простейшаго в всем ищи. и в брашьне и в одежи. и не стыдися нищетою. понеже больши часть мира сего в нищете есть.
Не рьци яко богата мужа сын еси. и срмь (срам) ми есть. никто же богатеи Христа. отця твоего небеснаго. родивъшагося в купили святеи и в нищете же ходивышы (=оу) и неимущему кде главы подъклонити.
Правьдою украшаися. и к всякому тъщися истиньно глаголати. не мози устыдетися лиця. льжи послух быти. яко губить господь глаголющая льжю. но с покорением истиньно отвещаваи.
Уне бо есть человеку от истины пользу приемлющю. възненавидену быти. паче нежел (и) от лицемерия врежену. и възлюблену быти.
Възненавиденыя бо бес правьды въздвигнеть. възлюбленыя же в суе уничьжить. клеветьници бо бывають без испытания верьни.
И аще правьду ти изглаголавшю. и в гнев въпадеши от кого любо. не скръби о томь. нъ паче утешаися, реченыим от бога. блажени възненавидении правьды ради. яко тех есть царствие небесьное.
Кротък буди к всякому человеку. и к стареишему тебе и к меньшему. лицемерьная бо кротость еже больших устыдевьшися. а мьньшая възлюбити.
Кротъко ступание. кротъко седание. кроток възор. кротъко слово. вся си в тебе да будуть. от сих бо истиньнии крьстьяни явишася.
Кротость же есть. еже никому же досаждати. ни в словеси. ни в делеси. ни в повелении. но всякому человеку нравы своими осладити сердце.
Славы земьныя ни в коемь же деле не похощи. Слава бо земная ругается любящим ю. припахнувши бо в мало время человеку яко буря ветрьная. и плод добрых дел обронивъши. в скоре же отшьдъши. посмееться неразумию его.
Беществие люби акы пелына чашю. и приими е аще притрано ти есть. нъ на прогнание греховьному недугу. иже бо грех сластию въниде. горестию да проженеть.
Желающему вечныя жизни и худе земныих причащающеся и въину мыслящюся о исходе своем, не стужить поношение человеком. яко гость пришьдъши в сь мир сътьрпить бещьствие господы своея. неже утро надееться отити.
Иже хощеть славьн быти. в всем мире. тъ веселиться. а ты стражеши.
Възлег на многомякъцеи постели и пространо протягаяся. помяни наго лежащаго под единем рубьмь. и не дьрзнущю ногу своею простьрети зимы ради.
Лежаща ти в твьрдопокровьнеи храмине. слышащю же ушима дъжевьное мочьство. помысли убогых. како лежать ныне дъжевьныими каплями яко стрелами пронажаеми. а другыя от неусновения седяща и водою подъяты.
Седящю ти в зиму в тепле храмине. и без боязни изнажившюся. въздъхни и помысли. в онех нищих. како клячать над малым огньцьмь съкърчьшеся. большю же беду очима от дыма имеюще. руце тъкмо съгревающе. плечи же и все тело мразъмь измьрзъше.
Церкви божии зовущи на молитву. остави дело земьное кое любо. иди на душевьную пищю с тьщанием. акы Петр Иоан к гробу.
Идущю ти в святый храм. по(мы)сли. еда на кого разгневалъся еси. в коем деле. и всяко потъщися. гневьныи (о)блак разгънати. да яко осветить душю молитвьная доброта.
Не рьци много съгреших. много безаконьновах. и не имам дьрзновения еже к богу припасти. ни убо не отнечаи себе. и не прилагаи тъкмо от селе к съгрешением. и силою всемилостиваго бога не имаши посрамлен быти.
Аще истиньно покаяние хощеши прияти. то яви делъмь. аще гърдостию каешися покажи съмерением. аще пияньства покажеши пост, аще любодеяния. покажи пост. уклони бо ся рече от зла и сътвори добро.
Епискупом и пастухом. Христова стада словесьных овьц. главю свою покланяи. и припади к ногам их. и моли да дасть ти ся благословение их.
Прозвутеры и ерея Христовы предъстателя таин его тряпезы. и дробителя телу его. всякою чьстию почьсти и с страх (мь) възираи на ня.
Коньць же всем прежереченыим. възлюбиши бога от всея душе. и страх его да пребудет в сердци твоем. прав буди истиньн. съмерен кротъко покорив, долу понича (очи). ум же к небеси простирая. умилен к богу. и человеком приветьлив. и печальнаго тешитель. тьрпелив в напасти и нищете. щедр. милостив. нищекърмьник. страньноприимьник. скърбьн греха ради. весел о бозе. алчьн буди. жадьн. кротьк. не словохотьн. не златолюбьць. не гърд. боязнив пред царем. готов в повелении его. в отъветех сладък. частомолитвьник. разумьн. трудьник к Богу. неосудитель всякому человеку. попьрник обидимыих. нелицемерьнь. чадо евангелия. сын въскресения. наследьник будущая жизни. о Христе Иисусе Господе нашем. ему же слава и чьсть и покланяние в векы веком. аминь.

3. Поучение ко всем христианом
Чада моя милая, первое имейте веру праву к Богу, Отца и Сына и Святаго Духа, потом же в послушаньи (пребывайте) святых Его апостол и святых отец, иже пострадаша Христа ради во всѧ дни живота своего. А ослушания блюдитесѧ, да не погибнете, яко же бе погибл первозданный Адам Евгою ослушавшеся Бога. Любовь же имейте ко всем ладну, и к богату и ко оубогу, и к нищим и к бедным, и в оузах страждующих, яко же и Христос ко всему миру, не избирая, дая нам весь образ собою; приде бо Сын Божии и родися в вертепе от Девыи (Девы), милостивый Господь, нас ради, с человекы поживе и крещение прият, греха не имея, и преобразисѧ свет оуверенья ради нашего, и свѧзан, и в темницу затворен бысть, нам повелевая в таковой же беде не стужити си (стужити – скорбеть); но и на кресте распят бысть, нам все к спасению стварѧя, и в гробе полежа, греха не имый, и воскрес, изводѧ ны на свет, и на небеса взыде, велѧ нам въсхитити ся (вознестись), по Апостолу, в сретенье. Все же то створи любовью и верою, да наоучить ны собою хитростью к спасению, хотѧ ны спасти от мукы в преидущий век.

4. Поучение св. Василья о житьи сем
Господи, благослови, Отче!
Лепо есть всякому человеку имети паче всякого житья да не загараеться зело о житийскых имениих да не тужить взирая на Господа. пекущагося им. оудобрение нраву. телеси оудручение. гласа смерение. ядение и питье бес клича с въздержанием. пред старци молчание. пред мудрейшими молчание и послушание. с подобными любовь имети. с меншими любовное сочтание и наказание. плотьскых любосластных вещии бегати. мало глаголати а боле разумевати. не дерзу быти словомь. ни пререкати в речех. не скоро в смех въпадати. соромѧживу быти. очи долу имети а душю горе. не отвещевати противу. не роптати. послушливу быти до смерти. тружатися рукама. помнити всегда страшное судище и второе пришествие Господне и день смертный. о надежи радоватися и молитися непрестанно. при всем Бога хвалити при добре и зле. в скорбех терпети зело. ко всем смерену быти к велим же и малым. величанья не навидети. говеину быти. блюсти сердце от злых помысл. сбирати имение на небесах, закон хранити. любити Бога всем сердцемь своим и ближнѧго яко и сам сѧ. самому себе испытати о помыслех по вся дни и о делех. не оплетатисѧ житиискыми и лихими речьми. не искати жития ленивых. но токмо подражати жития святых отец. радоватисѧ с исправльшими добронравье.не завиди никому же. (с) стражющими страдати. с плачущими сѧ плакати. осужену быти а не осужати. ниже поносити обращающасѧ от грех своих, николи же себе права творити. но грешьна собе имети пред Богом и человекы. оучити ненаказанныя оутешати маломочныя служити больным. ногы святых странных омывати. братолюбью прележати. странна въвести в дом свой. накорми напой одьжи (одень). нища и оубога не презри. с единоверным мир имети. еретик человек отвращатисѧ. книгы преданыя почитати, а в кровьныя (съкръвеныя – сокровенные, отреченные) отинудь не приникати. о Отце и Сыне и Святом Дусе не пытати. но единосущную Святую Троицю с дерзновеньемь проповедати. крещатисѧ есть лепо яко же прияхом. веровати яко же жити. не клѧтисѧ именем его отинудь. не даяти сребра своего в лихву ни иного. ничто же на оумножение пища. от пьяньства и от печали житья сего бегати. не беседовати луками (лукаво) отинудь. ни о ком же глаголати и никако же в сласть послушати клеветника. но все с испытаниемь. никому же (скоро) веры яти. не томитисѧ гневом, не быти держиму похотью. не без ума гневатисѧ на ближнѧго. солнце не зайдеть о гневе вашемь. не держати гнева ни на кого же. ни въздати зла за зло. ни клеветы за клевету. паче же всего похулену быти а не похулити. обидиму быти а не обидети. не отщетитися и не отщетити. паче же всего достоить человеку въздержатися от бесед женьскых. и от меду питья. мед бо и жен (жены) развращаеть и смысльныя. в заповеди не стужитисѧ. но мьзды и похвалы от него чаяти и вечныя жизни желати и прияти. имети Бога пред очима всегда. и яко рабу боятися и работати ему. и яко сыну от всего сердца и крепости и разума любити Бога. и сумнисѧ и служи Ему со страхом и трепетомь спасение себе сдевати (съдевати – содевати). духомь горети и тещи не ленѧщеся. ополчену быти в оружье Святого Духа и боротися со врагомь в изнеможение (в изнеможении) плоти. в нищете душа. и все повеление творити и непотрьбна себе глаголати. благодарити Бога. и ничто же с завистью творити (и человекооугождения бегай). зане Бог расыпа кости человекуоугоднику. и не хвалитися отинудь. ни похвалы себе глаголати. ни иному хвалѧщю послушати. в таине все творити (и не на видение человеком творити). но токмо от Бога хвалы и милости просити. помышлѧти от соуда пришествие. приготованая благая праведником. такоже оуготованый (огнь) дьяволу и ангелом его и непокоривым правде по всему. апостольское слово помнити. яко не достойны страсти сего времени, и прѧмо в будущим в Бога глаголатисѧ. и с Давидом рещи (глаголати). хранѧщимь заповеди Его въздание много и веньци праведнии и вечнии крови (кровы). жизнь бес конца. радость неизглаголаная. Отца и Сына и Святаго Духа с цесари и патриархы. с пророки и апостолы. и мученикы. со всеми оугожьшими с ними же обрести милость потщимсѧ о Христе Исусе Господе нашем. Ему же слава в век (ныне и присно и в векы веком).

5. Поучение правыя веры – душеполезно
Господи благослови!
Придите, братие и сестры, придите, малии и велиции, придите, попове и оучители правыя веры! Придите и послушайте не пустошных басний, но правыя веры оучения: си (не) на вред души, но на спасение, и на погыбель бесомь, и на прогнание грехомь. Почну же глаголати не завито (не витийственно), ни покровно (в притчах, аллегорически), да всяк начнет разумети. Братие! Первое, – приимьше святое крещение правы веры, потом наоучимъся боятись Бога и творити волю Его. Что же есть волѧ Божия? Сам Господь рече: «придите ко Мне вси тружающиисѧ, аз покою вы» (Мф. 11:28). То есть волѧ Божия, еже есть речено нам на спасение: кланѧтисѧ Святей Тройце: Отцю и Сыну и Святому Духу, и Кресту Честному и Святому Воскресению Тридневному, и Матерь Божию славити, яко тою бысть спасение всему миру, – и всем силам небесным, и всем святителем покланѧтися и целовати любезно, чистою верою и добрым житьем живуще, неприменьными делы добрыми втораго пришествия чаяти со оупованием еже на Бога, – а на ино ни на что же не надеятисѧ, но толико на добрая дела, в них же нас смерть постигнеть. Что суть дела Божия добрая? Се суть душевная дела добрая: кротость, смерение, послушание, доброоучение, покорение, легкосердье (незлобие), безъгневье, милость, любовь, немногоглаголание, покаяние и прочая: поклон, пост, милостини, молитва, въздержание от похоти плотьскыя, неленость, бодрость, неспание, не на мѧкце (не на мягком) легание (лежание), коръмлѧ не сладка, одежа не хупава (не изысканная), храми не красни, – покаяния и прочая добрая дела, без тех бо нелзе быти никому же верным. Милостивии приимут от Бога много добра, а молебници (молящиеся) имуть с Богомь беседовати, а покаялници (кающиеся) в раи входити, а кротции наследѧт землю.
Се же слышавше, братие и сестры, почнем тако творити, а не внидем с погаными в муку. Покаявшеже сѧ, молим Бога, а не отчаемсѧ, аще есмы и велми грешнии; но понеже рече Сын Божий: не бойсѧ, малое мое стадо, аз вам испрошю оу Отца моего спасение (Лк. 12:32). Что же есть малое мое стадо: крестьяне – покаялници, верьнии, кротции, послушливии, молитвеници и богобоязъливии, – тем ти имѧ (потому называет...) малое стадо, понеже писание глаголеть: много званых, а мало избраных (Лк. 14:24). Кто суть званыи кто ли избрании? Се суть звании, иже пришедше к крещению, – а иже добреи в церквь пришедше, не стоят со страхом (схрахом), ни пенья слушають, и с гневом все створше, – то суть мнозии звании. А се избрании: пришедше в святое крещение, и добре живуть в благобоязньстве, в кротости, в послушаньи добраго оучения, без гнева всѧ любѧще и милостыню творѧще, просто рку (говоря вообще), все доброе творѧще, – аще ли съгрешают, но в покаяние пришедше, спасуться, – потерпивше добре, в церкви стоять со страхом, то суть избрании. Се буди ведомо: мужску полу подобаеть прити в покаянье (на исповедь) девяти лет, а женьску полу до семи лет, – понеже писанье глаголет последнему сему веку, яко не обрѧщеться в тысѧщи девиць едина девица чиста семи лет сущи; да того ради подобаеть Христовым овцам ходити оу пастуха, да не пришед волк возметь овчати Христова, – не сущю ту пастуху, рекше – попови и оучителю. Овци же суть крестьяне, а волк – дьявол. Аще ли тако не покаявшеся оумруть, то лучьше сѧ быша не родили. Всѧк бо человек грешен есть, – оувы мне! оувы мне, яко аз паче всех человек грешнее есмь, – но токмо един пречист и пресвят! Слышите вси вернии и сверъшении оумомь: аще кто имать дети, или рабы, ведите и҃ в церковь, и в покаянье, и добро творите, и оучите, и сами ся учите добро творити, – не токмо дети, но и рабы, якоже Аврам творѧше. Аще ли не творите тако, то суд зол приимете за них в день судный; аще ли научите я, то не токмо тех спасете, но и сами будете спасени: якоже кто сотворит и научит, то велик наречеться в царствии небеснем. (Мф. 5:19). Да се слышавше, братие добри и оучители, не престайте оучаще верныя добру разуму, покаяния образы дающе, а не мудрования възношение, – еже есть всего горее себе мнети, а не всех быти хужешю, еже есть всего луче, – якоже есть писано: възносѧйсѧ смирится, а смерѧйсѧ – възносется (Мф. 23:12; Лк. 14:11). Послушайте, любимицы и честнии попове, яко аз многогрешьный слышах, яко друзии попове не приемлють многогрешнаго человека в покаяние, – то таковии несмыслении затворѧють от человек Божие царство; про тоже и самем будеть затворено. Не токмо же тако, но и суд зол обрящуть – Сам бо Господь рече: не придох праведныих призват, но грешных на покаяние (Мф. 9:13). Приимшим же покаяние какого-любо человека – сицю заповедь дата (дат) маломощным и неразумным а богобоязнивым велику заповедь дата (д҇а): потерпевше добре болшее спасение приимуть, – а многогрешным, рекше – невежам малу заповедь дата (дат), да не стуживше, сии отъчая погибнуть. – Сице же подобаеть оучителю оучити люди добрым делом, а самому все добро творѧще: первое – внити в церковь, гнева не имуще ни на кого же, стояти со страхом и послушанием, не всклонши ни на чтоже, ни беседующе, ни глумѧщисѧ, но внимати с разумом поемое и чтомое. А се, егда пьють (поют) в церкви, при том пеньи не подобает себе пети ничтоже, аще ли ни своего чисто (что) отпоет, ни послушающих добре отслушаеть, но отпети собе перед или апосле. Всем же верным крестьяном, – вежам и невежам, попом и простьцем, – держати пост, и поклон и милостыню (молитву?) и пенье (пеньє) нелицемерное в таине, идеже не видить, никтоже не слышить, но токъмо един Бог, в малей церкви, еже есть келья своя ти, – ту есть лепо; а в велицеи церкви пети и кланѧтися до земли, то есть, не все за сѧ, но третья (гꙗꙗ) часть за сѧ, ано (ино?) все за крестьяны и за кнѧзѧ. Вернии бо человеци, в своей клети Бога молѧще, кланѧются за крестьяны и за кнѧзѧ. Не ти единии задушье емлють, но и богатии. Тако бо велить писанье: «аще Бога молиши за друга, то и за сѧ». Молѧщагосѧ приемлеть Бог. Аще ли то ни, яко же рече Господь: любите врагы ваша, и добро творите ненавидящим вас, и молите за творящая вам напасть (Мф. 5:44). Послушайте, любимици! како (как, если...) ти велит Бог молити за ненавидѧщих вас, колми (то тем более) за любимыя? – Подобает же себе пети неоумеющим грамоты, сице им пети: святый Боже, – три (трижды); – пресвятая Троице, Отче наш, Господи, помилуй нас. А оумеющи, аще не поют, то ти лишаються света Божия. Свет бо есть почитание книжное, егоже лишивъся безумныи, яко во тме ходѧ, погибнуть. – Заутренѧя же наречеться конець нощи, а вечернѧя – конець дни, а третий час, и шестый, и девятый – причатаеться к прочим часом, их же есть дванадесѧть дневная, а дванадесѧть – нощная, – то же все правѧть честьнии черноризци. Ти бо нарекуться земнии ангели, а небеснии человеци, наставници нашему спасению. Аминь. – Мефимон же наречеться печать и замок святыя Троица, Отца и Сына и Святаго Духа, а ключ – честный крест, – сице рци отмычюче: Господи, Иисусе Христе, Боже наш, помилуй нас, аминь. Аще, братие, этемь замкомь замычеться кто, и тем ключем отмычеться, то не покрадом будеть духовный дом; аще ли темь замкомь не замычеться, то, влез дьявол, окрадеть душевный дом, и будуть человеку тому последнѧя горши первых. Да не можем, братие, лишитися преже глаголаннаго пенья, и добрых дел не лишайтеся, – да токмо дьявола победим, но и жизни вечней причастници будем. Повеление Божие тлаголеть: пению – времѧ, молитве – час, а не яко блѧдословци (пустословы, лжецы) глаголють. Не отлагайте свет заоутрени, ни тма вечерни, но все повелено во оуставная времена творити, – токмо ангели Богу служать непрестаньно, литоргия же подобаеть литоргисати в третий часа, в третий бо час отварѧються врата небесная дароносивыим ангелом. Аще бо кто опоздить литоргию, то дароносивии ангелы, въземше честьныя дары, и ждуть же оутренѧго дни третьяго часа, а того кленуще. А зло есть, братье, от человек приимати клатва, а же от ангел? Якоже бо Паоул глаголеть: проклѧт, иже не пребудеть в всех писаных. И Давид глаголеть: блаженни взискающе сведения. И Соломон глаголеть: взищите премудрости, да пожеветь, исправите в сведеньи разум, – рекше: заповедь добрых послушаний, кротость, подвиг – все то можете исправити. Богу нашему слава в век.

6. Ко всем верным поучение святаго отца Василья
Господи, благослови, Отче!
Ангел Господень написаеть слово от Господа ко мнѧщим ся крестьяном, а страха Божия не имущим (глаголя сице: горе человеку тому), иже гнев имея на кого, ли (или) сваривсѧ, ли бивсѧ (с кем), ли зло створив кому, или на кого зло (каково) сердце (в сердце) имея, а не простивсѧ (с ним) и мира не приим с непокорениемь, то (а) идеть в церковь Господню, противсѧ верным и кроткым (человеком), им же наследити землю покойну; ти (или аще) несуть (несет) проскуру или свещю, или ино что, или дору (антидор) 1) и ест или евангелие целуеть: муце вечной достоин есть, и смоле присно вгорющей (кипящей), и огню негасимому. Горее же того есть и прагорее (и вельми горее) и оубиства оубиственее, и душегубья душегубьнее, и ереси еретичьствие, и всѧкоя пагубы пагубнее, – егда кто приступить к пречистому и святому комканию (к пречистому Телу и Крови Христове), гнев держа, или сваривсѧ, или бивсѧ, или кого оклеветав, или кого свадив с другом, или поминаниемь коея злобы (или помня зло на кого): неизмилимый (неумолим) суд обрѧщеть (таковый восприимет), и бес памяти (милости) вечную муку: горее жидов и еретиков такова (таковому) мука будеть; луче (лучше) бы сѧ ему не родивше (не родитися). Аще ли есть вежа, али невежа, рекше – дьяк или чтец, или чернець, или ерей – о горе, и горе таковым, и прагорее всех грешных! Боле мука таковым, егда бо кто недостойно приступить к пречистому телу и к честней крови Сына Божия, вземлющаго грехы всего мира, а (и) слышаще, еже рече: «воньми, святая святым!» Чюеши ли, кой есть достоин, и то ли недостоин, то есть – вонмим, а еже святая, а то комкание, а еже святым – рекше – достоин (достоиным) верным; а еже недостойне приступить, тогда преисподнѧя и превышнѧя небес въстрепещють (потрясутся) от страха Вседержителева, всѧ самомысленая (мысленая) воиньства оужаснуться со страхомь (страхом одержима бывают), видѧще человечьское неподобьство и всѧку неправду. Доселе ангелова повесть, – сказа нам святый Васильи. О Христе Иисусе, Господе нашем.

7. Слово Святых Апостол и Святых Отец, како жити Христианом
Подобает убо всякому християнину чисто жити и вся с разсмотрением творити, да не вотще труд наш будет, в неведении кто нас погибнет и ослабеет; но будем вси ведуще что угодно есть Богу, да неосужени будем. Что бо иже ся постим, а без исправления, то что успеем? Удержание ли брашен пост глаголется, или удержание похотей? Аще бо от брашен удержимся, а телесных похотей не удержимся, то ни малы ползы сотворит нам жестокое воздержание от брашен, а плоды творяще злобны; аще бо и попел зоблем (если и пепел будем есть), злоб не останемся, то не можем спастися; аще бо от хлеба удержимся, а гневаемся и завидим, то зверю подобни есмы. Той бо не яст хлеба, но плоть яст; тако и мы: гневом и яростию и завистию снедаем друг друга, и братию свою клеветою. Аще хощеши воздержатися от мяс и рыб, то первее останися гнева, ярости и гордости, клеветы и зависти, обиды и татбы, пияньства (пьянство) и блужения и всякоя (всякыя) злобы; тогда (то) не будем зверю подобни, аще сих останемся, и святым уподобимся добродетелми (добрыя дела творяща), неправды удаляющеся. Аще кто пития не пиет и мяс не яст, а злобу держит, таковый пущши (пущи, пуще, горший) есть (еста) скота: скотина бо не яст мяс и вина не пиет; аще ли кто на голе земли легает (лежит), а мыслит злое, ни тако ся хвали: и скот бо не требует постели. Но да оставим, братие, телесныя похоти, да не будем скотинному телеси подобни, но духовных дел плоды творяще, и будем подобни ангелом, и со святыми получим жизнь вечную. Не того бо ради Бог нас сотворил, да скотски поживше в вечныя муки внидем; но мало зде в веце сем пребывше воздержанием и пощением и чистотою, поклонянием и милостынею, паче же любовию и смирением, покорением и братолюбием. И тако поживше добре приидем в вечную жизнь, яже обещал есть нам прияти соблюдшим заповеди Его. Темже не лститеся (не надейтесь достигнуть вечной жизни), братие, вдающеся житию сему (в сем житии) пищи и пьяньству; многих бо красота мира сего погубляет, прелщает же слава, и многи во адскую глубину сводит, от нея же избавит ны Господь Бог творящая заповеди Его и ходящая в воли Его, Ему же слава, ныне и присно и во веки веков.

8. Слово-поучение отца к сыну
(Слово некоего отца к сыну своему, слово душеполезно. Господи, благослови)
Сыну мой, чадо мое, приклони оухо твое и послушай отца своего, светующаго ти спасеная.
Чадо, приближи разум сердца своего и внуши (внемли) глагол родивъшаго тѧ: не сут (суть) бо на пакость (на вред) души твоей, но аще разумьно приимеши я, то царствию небесному вожь (вождь) ти будеть.
Простри (разверзи) сердечный съсуд (сосуд) да накаплют ти паче (слаще) меду словеса, могущая тя оживити и бесмертна явити тѧ.
Но о чем первее начну казати (научать) тя, сыну мой?
Что ти первое явлю? Мѧтежь ли или злобу света (века) сего, житье ли благоугодно и спасено? Но паче бо и мало помыслити, о чадо, от Адама, праотца нашего, до сего нашего века – колико человеком множьство (много множество) бысть на земли и вси (оумроша и) беспамѧтни быша, едини же от них памятни быша и просияша на земли и на небеси, иже по заповедемь Божиим ходиша и дни своя ижьжиша, и к единому вышнему (Богу) взираху, иже кротостью пожиша и в добрословьи оуста своя оучиниша, иже мало света сего причащахусѧ, всю же свою мысль и все свое хотение в бесмертное житие оуправлѧху, и о томь единомь въздыхаху и моляху воину (выну) Бога, яко достойным (Его) явитися.
Тем же (и ты), чадо мое, изволи (возжелай) себе тех житье (поревнуй житию их) и тех правы (нравы) и путь приими, и поревнуй делом их; взищи коимь путемь идоша и коею стезею текоша, да в царствии небеснемь постигнеши я, и с ними взрадуешисѧ радостью, ея же в житьи семь несть. Потщисѧ по них и взищи их, иже я доправиша (и взыщи тех, иже праве пожиша). Кротость бо я доправи, и смерение, и благ смысл, покорение и любовь, милостынѧ же и доброутробье (добросердие), мир ко всем ладно (равно, одинаково), к малым же и к великим. Ти оубо нрави доведоша их (тамо), амо же по всѧ дни желаху, тех бо зде взискаша (обретоша) и яшасѧ двердо (твердо) за рукы их (за ня, – и крепко держась за руки их), идоша в неразрушия (неразрушимые) храмы (кровы) вышьнѧго Иерусалима. Тех нравы и ты, чадо мое, взищи со всею силою (любовью) и со всею крепостью, яко же можеши. Нас (в нас, – среди нас) бо ходѧть и несть кто их приимый (приемля их), и несть иже бы я (их) ввел в дом свои телесныи и душевныи (телесне и душевне) и покоил я в воли своей.
Чадо, буди понижен главою, высок же оумомь, а очи имей в земли (к земли), а оум (оумнии же – очи) на (к) небеси, оуста стищена (молчаща), а сердцем (а сердечная) к Богу (выну) вопиюща, а нози тихо ступающа, и оумнеи (ноги) скоро текущи к вратам небесным, оуши оуклонѧй от зласлышания (злого слышания), оумныма же воину (выну, всегда) прилегаи к шюмению святым книгам, руце имей согбене на собрание злаго имения света сего, простерши же на подание (даяние) убогим.
Не стыдися всякомому (человеку), созданному во образ Божии, главы своя покланѧти; старейшаго (себе) денми почестити не ленисѧ и покоити старость его потщися; сверстникы бо своя с миром сретай, и меньшаго тебе любовью приемли, а с честнейшими собе никакоже стояти не ленися, да не буди (самолюбец и) самохотьем (самохотением – по своей воле) лишен вечнаго живота; греха бегай, акы ратника (злого), губящѧго душу твою; не въсхощи веселитисѧ в мире семь, яко веселье света сего плачем кончаетсѧ. И се яве видети есть (и это явственно видеть можно) в двоих суседех: оу сих брак творѧть, а оу другых мертвеца плачуть и тъ (сей, этот) же плачь скоро минеть: днесь плачоут, а оутро оупиваються. Разумей же, чадо, суету века сего и скоропадающюю (распадающую) плоть нашу: днесь растем, а оутро огнием (гнием). Темь же (а потому), в малемь семь житьи взищи вечныя жизни, идеже ни едино от сих несть, ни скорби, ни въздыхания (ни сетования), но радость и весельмь (веселие) и свет немеркнущий солнце Господь. Ту жизнь возлюби и к ней по вся дни тщися и о жизни по вся дни помышлѧй, и будеть ти възглавъи (возглавие) мысль небесныя радости, встающю (же ти) от брашно – память царствия (память царства небесного).
Чадо мое милое, алчнаго накорми, яко же ти повеле сам Господь, жаднаго напои, страннаго введи и больнаго посети, к темници дойди и вижь беду их вздохни. Буди (ти) в скорбь (во время скорби) твою прибежище церквы (церковь), паче же и кроме скорби по вся дни вшед (в ню) припади к вышнему (испусти слезы), лицемь своимь землю покрый и принуди (его) помиловати тѧ, не оуклонить бо сѧ тебе (не уклонится бо ся от тебя человеколюбец Бог), но утешить. Церковь же разумей (яко) небо суще, олтарь же престол Вышняго, служителѧ же (церкву яко) ангелы сущи. Тем же в церкви яко на небеси со страхом стой, и яко же пред очима самого (Бога), – исходя (из церкви), не забывай ли пели или что слыша. Створи си имѧ в человецех кроткый, да небесный житель будеши. Скорби о гресех, вздыхай о соблазнех, печалуй о паденьи своимь, да очистишисѧ, да на исходе душевнемь бес порока обрѧщешисѧ.
Чадо, смерть всегда поминай, да та тѧ смерть всему добру научить, како пожити в малемь семь времени. Будь, чадо мое, смыслен и разумей, что есть воля Божия, что требуеть Царь небесный от земных, что ли требуеть от твари своея – не малыя (ли) и оудобь творимыя молитвы? (Писано бо есть): Милости бо хощу, а не жертв. Кто (что) бо требуеть от нас всего, благоглаголаниа (всего блага) исполненыи – хвалы ли? Но хвалѧть (Бога) ангели. Покланянья? (Но) покланяютсѧ Ему небесная воиньства (силы). Но того (просит Бог) еже на наше спасение безмерною сию милостию: просит бо милостынѧ, желает кротости, любить (любит) мир. Темь и ты, чадо мое, оного волю створи въмале и Он твою ввеки, даруй малое, возмеши вечное, дай же едино, возми сторицею, присвой сѧ Богу (Богови), да врагом (своим) видимым и невидимым страшен будеши. В волнах ли еси житискых (житейских), в бури ли морстей беду приемлеши, показаю ти, сыну мой, истинная пристанища – монастырѧ, домы святых: к тем прибегай и оутешать тѧ, поскорби к ним (с ними) – обвеселишисѧ: сынове бо бес печалья суть и умеють тя (печального) оутешити; и аще что имееши в дому своем, донеси им потребная: все бо то (даяние) в руце Божии влагаеши и въздания не лишен будеши. В граде, в нем же живеши, и инех окрестных (градах) поищи ли единого человека Бога боющасѧ и тому всею силою служи, обрете ли такого, то оуже не скорби – обрете бо ключь царствия небеснаго; тому прилни душею и теломь: смотри житья его, хожения, седенья, взора, ядения и всего обычая его пытай, паче же, чадо, блюдися (наблюдай, следуй) словес его, не дай же не единому слову его пасти на земли: дражееши (дороже) бо бисера суть святых словеса. Праздники святых чести (почитай честно), а (и) сам не оупивайсѧ, но алчная и жадныя накормлѧя, знаем створи дом свои нищимь, и вдовицам, и сиротам, скитающим и неимущим где главы подклонити.
Богат ли, имевши дом свой, худ ли – все то промыслом Божиимь; но потщисѧ всего своего имения десятое Господеви даяти, давшему ти живот сде, а по исходе жизнь вечную дасть ти.
Ненавидит ли кто тебе, смерися (смирися) пред нимь, дай же ему дар по силе твоей, и поклонисѧ пред нимь (ему), худ пред нимь и немощен створисѧ, и обратити сердце ему (еже) любити тѧ: не створить бо ти ни единого зла покорение, но оного спасеши и себе. Бог бо (Господь) претерпе распинаем (распятие) от твари своея (без вины) тебе ради; а ты Бога ради претерьпи (от друга своего), не распятие, ни смерть, но тѧжько слово и противу (же злу) доброслови (добро сотвори), Бога ради (а не мози, чадо мое, Господа ради, противу злу зла) творити; все в мире сем претерпи Бога ради.
Чадо мое милое, много ти бых и еще глаголал, но болезнь си съставлѧет мя (останавливает меня). Но веде словеса Божия, понеже плодовита суть, да аще оумѧгчиши сердечную землю (ниву) и приимеши малое семѧ оучения и много зело расплодиши в собе спасеное житие (жито).
Аще бо истине (истинно) вжелаеши в сих малых моих словесех оучения пожити достойно дни своя; то одожить (одождить) ниву твою сердечну Бог, хотяй всем человеком спастисѧ и расплодить в тобе разум спасеный; яко не мощи ти в душевнемь своемь храме всего того обилья положити (вместити), но (то) инем будеши раздавая(й) требующим своего спасения. Се же, сыну, и слышал еси, что ти горѧчей оутробою, люболюбным огнемь палима изрекох бо ти; чадо бо ми еси и хощю да бы сѧ еси спасл. Зная, чадо, Бога, слушай же и повеления Его, и муки вечныя лишен будеши. Не вси бо знающи Бога спасаеми суть, но творѧщии волю Его. Тем же попецисѧ спасениемь своимь и душею своею от всея силы своея. Смерть бо близь комужьдо нас и при двери (стоит) готова, ждуще повеления Господнѧ и внегда скончаемся. И ныне, чадо, попечися пред смертью, готова буди на душевный исход, дела света творяща и (да) по разлученьи от тела осветяѧть душю твою, да не темне сущие (да не во тме сущу) и приимуть (восхитят) ю врази твои.
Сыну мои и исчадье мое, мирось (мир-сь, мир сей) мимо идет и слава его (зле) погибнет, приидет же Господь с небесными воинами соудити всякому человеку и въздасть комуждо по делом его.
Приимуть праведнии жизнь вечную, жизнь нестареющююсѧ, жизнь, ей же конца несть; грешным муку вечную, огнь негасимый и тьму несветимую (кромешную), ея же, чадо мое, потщисѧ оубежати и с праведными ликовствовати в свете незаходимемь, в радости вечнеи, в бесконечныя веки. Аминь.

9. Ксенофонта детям своим
(Ксенофонта еже глагола к сынома своима)
Аз чѧда (чада) реку вама, человечѧ житиꙗ отити хоштю: веста бо како в житии семь жих без лоукы (без лукавства), како от вьсех чьстьн бех и лѫбим, не сана ради велика, нъ (но) норѡвъмь (нравом, поведением) великъмь. Не оукорих никого же, ни вередих и никогоже не оклеветах, не завидах никомоуже. Не разгневасѧ ни на кого же, ни на мала, ни на велика. Не оставих церкве Божиѧ вечер, ни заоутра, ни полоудне. Не презьрех ништиих, ни оставих страньна и печѧльна, не презьрех никъгдаже, и иже в тьмьницах заклѫченни потребьнаꙗ им даꙗх, и иже в пленьницех изъбавих. Не помыслих на добротоу чѫжю, не познах жены дроугыꙗ, разве матере ваѫ, и та дóндеже ва роди и потом еште (еще) не познах ея (ѥꙗ), нъ съвештѧхове сѧ чистоіѫ съвестью телесьною, и о Господе моудре сохраниховесѧ, по православнеи всѧкой вере. Тако сътворих до съмрьтнааго дне. Тако и вы живета, чѧде мои, да и ваѫ Бог оублажить и длъголетьна явит и сътворить. Оубогих посештѧита, въдовице заштиштаита, немоштьныѧ милоуита и осоужѧѥмыя бес правьды измета. Мир имеита со всеми. Паче же всех иже в поустыни и в печерах и в пропастьх земльныих добро творита. Поминаита монастырѧ, чьрноризьць стыдитасѧ и чьтета и милосрьдоуита. Матери же ваю чьсть отъдаита, и вьсе добро сътворита еи, да Господа оузьрита радоуюштѧсѧ, и о том веселитасѧ в векы. Вьсе елико имата златемь и сребръмь и ризами неимоуштиим подаита. И в работе соуштѧꙗ лѫбита, и оуныꙗ милоуита, и старыꙗ свободы сподобита, пищѫ им до съмрьти дающѧ. И съпроста реку: еже мѧ видеста творѧштѧ, и вы творита, да спасетасѧ и сподобитасѧ святыих. Матере не забываита, волю еѥ творита и послоушаита с страхом Господьнимь, веде бо яко дело Господне делаета, заповеди Господнѧ хранита, и Бог мира сего боуди с вама. Аминь.

10. Св. Феодоры детям ея
Възьмеши же блаженая Феодора детишть на лоно свое, лобза же ѝ глаголюшти: сыноу мои любыи, времѧ скончѧниꙗ ми присе, да юже идоу отънюдоу же не вазвраштюсѧ. Да не рьци, яко осыреіѫ. Се имаши Бога и старейшааго в отцѧ место. Имеи съврьстьникы акы братию, меньшѧꙗ ак чада, стареишаꙗ акы отьцѧ. О чѧдо, алъчьбоу си продължи, молитвы въсылаи к Богу третии чѧс и шестои и девятыи и вечерьнюіѫ; и заоутрьнѧю хвалоу въсылаи. Чѧдо, алчьн боуди, да сѧ насытиши, и подажь алчюштиим хлеб свои, одежу своіѫ нагым. Чюжемоу не похошти. Зъла не глаголи братоу своемоу. Мир имеи с вьсеми. Кротък боуди, не славохотьн, и егда тѧ въпрашѧѫть, то отвештѧи с тихостіѫ. Не радоуисѧ вражьдоу злоу. Не дивисѧ доброте лицѫ. Аште на кого слышиши, то моли за нь. Болѧштих посештѧй, старыя оутешѧй, убогыя напитаи, скорбѧштѧя утеши, заблоужьшѧя накажи, въдовицѧм помоштьник боуди, мьрьтвыя погребаи. Не боисѧ пакости сотонин: немоштьны бо соуть; вьсех мѧтежь его хоуде оубоисѧ. Молисѧ, да не вънидеши в напасть; аште ли вънидеши, то пакы молисѧ, да избоудеши. Троужѧсѧ въиноу, да видить Бог труд твои и посълеть ти помошть свою. Си аште твориши, то в цесарствии Божи въдворишисѧ.

11. Слово Св. Отец како жити християном

Братие и сестры, слышите учения святая!
Суть бо во християнех нецы (нецыи) иже имя християньское токмо приемше (держат) на болшее осужение себе, воли Божии не творяще и поганьски живут, во пьянстве и во блуде и в прочих (злобах), окаянне диаволом омрачени, в клятвы, и в обиды, и в телесныя нечистоты, обажающе (оклеветая) друг друга и обидяще яко безсмертни ся творят. Многа неподобная творя(т), их же несть лзе изглаголати зде, яко лжу мнят уготованныя грешником муки, их же сатана трепещет, а сии не чювствиют (не чувствуют). Сим всем запрещаем, до страх Божий приимше и грядущий суд, останут покаянием злых дел и проклятаго любодеяния. Того бо ради Содом и Гомор и около их гради огнем пожжени, до ныне курится огнь бо на уверение инем. Тии бо людие ни закона, ни пророк ведуще, любодеяния деля погибаша, их же погибели знамение и ныне есть; то колми паче люто християном нарекшеся, а от жен своих со инеми блудити, или холостым неженящеся со многими любодеяти: то горее содомлян таковым осужение будет в день судный. Исаия пророк о таковых глаголет: погрузятся в пламени его, иже сами разжегше себе. Той же пророк рече: червь их не умрет, и огнь их не угаснет (Ис. 66:24), незаконно блудящим. Отнюд (отнюд) бо лют есть грех той. Того деля речено комуждо своя жена имети. О хульных же глаголех, что рещи, не вем. Иже о Бозе кленутся, крест целуют ротою до церкви и олтаря, на погибель сии божество поставляют. О сем бо небо дивится, пророк рече. За то на ны казнь посылает Бог, овогда ведром (засухою), иногда пожаром и инеми бедами, зане человецы Богом кленутся и Его святыми, и друг друга доводят (преследуют), церковь ротою скверняще. Того деля (ради) вся небесныя силы трепещут страхом, видяще злобу человечю. Сему же и ина вина подобна, еже немощь волшбами лечат, и наузы и чарами, бесом требы приносят, и беса, глаголемаго трясовицу, творят, отгоняще, еллинская слова пишут на яблоце и кладут на престоле во время святыя службы: се бо есть проклято. Да того деля, многи казни от Бога за неправды наша бывают. Господь не рече лековати (целити) чарами, ни наузы, ни встречю, ни в полаз, ни в чох веровати: то бо поганьское дело есть. Аще ли кто от християн тако сотворит, то горши поганых осудится, аще о том покаяния не приимут. Того деля, елико же християньска рода да не творят, того. Зело бо зла согрешения – рота и клятва, лжепослушество, клевета, зависть, татба, гнев, пьянство, обида, лихоимство, скупость и прочая телесная скверность, прелюбодеяние, содомское блужение, со скотом блужение, во племяни (?), понятие (поятие) – погански есть. Вернии же, аще ведающе се, и не обличают, ни наказуют таковых, то и тии осужению содетелницы (сидельницы) суть. Паче же прозвитеры, аще таких не учат и не исправляют и не претят, по Бозе ревнующе за истину, то отнюд горе будет таковым учителем: инем бо подгнета (подтопка) будут в негасимом пламени. Кождо бо иерейство держит, дабы тем кормился, а не печалует о духовных, чтобы приняти мзда вечнаго живота, и не глаголет праваго (праведного) учения, им же спастися, но паче гладит и лстит, дару деля, без опитемии прощают (прощает), чрева ради все творит и глаголет, дабы не отпасти временныя чести. Того деля учители лише (лишшие, больше) осудятся, яко блазнители. Тех бо ради зол, бывает земли неплодие, и рати, и пагубы многи скотом изгибающим (изгибель), самем же болезни тяжки (и смерти люты), а по смерти мука вечная, аще не останут злоб деяти. Аще ли нецыи деют злая учения и не каются, таковыи подимут по делом законное мучение. Да и великим градским властелем не щадити злотворящих пред Богом, но казнити их: льстьца, хулники, ротники, мужеложники, убийца, тати, чародея, девам насилующая, блудящая с мужатицами. Таковыя велим в неконечныя влагати муки, градским законом казнити, а не щадити злых, да ся накажут и останут злая деяти. Властели бо от Бога устроены человек ради не творящих закона Божия, да страх видевше князи, Бога убоятся. Властели да не щадят злотворящих. Подобает слузе Божию быти праведну в суде, а человецы, таковыя злобныя ведуще, да не таят, да и сами пред Богом осудятся в муку. Глаголет же в 4 царстве (в 4 кн. Царств): Ахав царь, пощадев (пощадил) Адора, Сирска царя, злосотворшаго, и рече Бог пророком: мужа губителя отпустил еси, то твоя душа за него погибнет, и люди твоя за его люди. Агага пощадев Саул, испаде царства. И инии инози злых пощадевше, и погибоша сами. Да того деля, властели, не щадите злотворящих, но казните я, а не по мзде отпущайте, да не и вы зделатели беззакония от Бога суд зол приимите. Аще ли властели отмщения законнаго и на злая (не) наводят, то суду Божию повинны будут, и от святых отец проклятие на ся приводят. Несть бо достойно злотворящих щадити, но казнити я, да не творят зла.

12. Образ совершенного христианин
(Из Анастасиевых ответов)
Чьто есть знамение съвьршеннааго (съвершенаго) христиана (крестьяна)? Вера права и дела благочстива (благочтива). Христиан (крестьян) бо ѥ˚ (еꙵ – есть) истовый дом Христосов (Христов) делы благыими и оучении доброверьныими състоясѧ, истиньная бо вера делы искоушаетьсѧ (исушаетсѧ), имь же (потому что) вера без дел мьртва есть (Иак. 2:17), яко же и дела без веры. Да темь подоба (подобает) вьсеѫ (всею) силоѫ (силою) без блазна (соблазна) хранитися чистом (чистыми) от нечистыих (нечистых) дел, да не и о нас речено бѫде (боуде): Бога исповедаіѫтьсѧ ведоуште (исповедаютсѧ ведоуще), а делы сѫ отъмешьтоу (ся отмещюще, – Тит., 1:16). Темь же рече Господь (г҃ь): аще Менѧ къто любить, слово Мое съхранить, и Отець Мой взлюбити и̑ (възлюить иꙵ – его) и к тому придем и обитель в нем сътворим (Ин. 14:23), – да симь оубо разоумеваем, яко правоѫ вероѫ (правою верою) и добрыими делы зиждетсѧ дш҃ьныи (душевный) дом. Ти тако жоветь в нас Бог: въселіѫ бо сѧ (въселю бо сѧ), рече, в них и похождю (похожю, – 2Кор. 6:16). Се же являя апостол глаголааше (глаголаше) (2Кор. 13:5): или не разоумеете, яко Христос живет в вас, аште не чимь зело искоушени есте (аще ни чим тако не искоусни есте); не весть оубо диѧвол, есть ли ти Христос владыка оутр (оутрь – внутрь) в оуме, или несть. Егда ли тѧ видить гневаѫштѧсѧ (гневающасѧ) или кличѫштѧ (ключюща – κραυγαζοντα, издающего крик), или кльноущасѧ, нечиста словеса глаголѫща (глаголюща), или клевечюща, или ѡсоужѧіѧштѧ и ѡбидѧштѧ некого (обидѧща), или величѧіѧштѧсѧ (величающасѧ) и презорива, или грохоштѫштасѧ (грохочющасѧ) лихо и глоумяштасѧ, или не моляштасѧ часто и съмьрти поминаѫща (и смерти не поминающа), – и тъгда разоуѥ˚ (разумееть), яко несть в души ти, иже тѧ хранить. Ти тако оуже, аки тать, вълез лукавый, акы не соуште Божескоуѫ (Бжьскоу) светилоу, окрадеть дом душьвный ти, и бѫдеть ти последняя горьша пьрвыих (2Пет. 2:20).

13. Слово Св. Нифонта о различии спасения208
Речено бысть сице: Бог сведый (соведый) немощь рода нашего яко благии человеколюбец (яко благ и человеколюбец) и дарова нам многия и различныя пути ко спасению. Рече бо, не осужайте да не осужени будете, оставите оставится вам, смиритеся да вознесетеся (Лк. 6:37; Мк. 2:7; Лк. 14:11), якоже Давид Царь смирився (смерився) и спасеся. И паки учит ны на покаяние, рече: исповем грехи моя Господеви и оставит я, покаянием бо очиститися есть от грех, аще лишимся их, якоже и Петр, и блудница, и яко Манасей (Манасий) исповеданием спасеся. Таковой бо закон мирови дал есть (Бог), яко старыя и немощныя, нищия и богатыя могут сотворити заповеди Божия. Иже бо кто имеет любовь, той без телеснаго труда спасется. Речено бо есть во святом Евангелии: возлюби Господа Бога своего от всея душа, своея, и ближняго яко сам себе (сам ся). И паки рече: смиренна человека не осудит Бог. Мощно убо спастися аще кто и имения неимать, или вдова или сирота. Аще ли видиши кого (кого) алчна и зимою дрожащаго, то введи (его) в дом своей и согрей и накорми: то вменится даяние твое пред Богом паче тмы талант богатых. Аще ли и того не имаши, то воздохни со скорбящими, и поскорби о нищете убогих и утеши их: то в милостыню же бо вменится пред Богом. А еже не осуждати, ни воздати зла за зло (ни помнети зла): то душевная добродетель есть, таковый бо без телеснаго труда спасется. Се же может всяк сотворити; зде бо ни имения раздаяти, ни болезни подъяти. Да уже к тому не винствуем (не считаем себя виновными), ни правды творяще, а овогда убо диавола хуляще, а не себе, овогда же мира, овогда работу, овогда же дом и жену и дети и раб попечение, – ти иже среди мира богоугодно пожиша со женами и с чады (рабы имуще и рабыни) хотят нас обличити в день судный: Енох, Ной, Авраам, Исаак, Ияков, Лот, Иосиф, Давид и Даниил, – а сии же в новом законе: Ксенефонт, Андроник, Анисифор, и инии мнози святии, подобныя им. И никто же извета не твори, глаголя, яко в миру будуще не могу спастися. Можем убо, братие, аще восхощем, а о том несть нам истязания, аще не можем чего творити; но еже могуще что творити, а не творим, то о том нам будет лют ответ. Да и сего никто не глаголи, яко уже стар есмь и не могу. Аще бо и стар, а о души внимает, то боле (больше юности) может в старости спастися. Старость бо умилена творит человека (к покаянию), а во юности лукавныя (лукавнейшия) страсти борются с нами, на блуд тело разжигают и на гордость, и на сребролюбие, и на гнев и на всякия сласти житейския; а на старость плоть наша изнеможет, яже воюет на душу, и жития мятеж престанет. На старость бо человек кроток и смирен бывает, видя себе уже к концу близко. Многи бо нам и различны даровал Бог пути ко спасению. Да слышите, младыя и старыя, и немощныя, богатыя и убогия: можем бо сотворити волю Божию, аще восхощем; самовластни бо есмы Богом сотворены – или спасемъся, или осудимся.

14. Слово о монастырях
Манастыри же, чада, любите: то бо соуть сынове святых и пристанище сего света. И вшедше в ня(ѧ), видите игумена пасуще стадо свое и черньца, не глаголюща, страха ради Божия. И ового видите горе руце възревша (поднявши руки к верху), а очи долу имуща и сердце горе имуще оу престола Божия, иного плачуща в кельи своей и ница (ниц, навзничь) лежа, другаго же работающа, акы полонена (находящегося в плену), инех же на делех стояща, яко исцеплени (как бы всецело отделены, отрешены от всего), а иныя в церкви стояща, яко и каменыи, непоступны (недвижимы) и молитвы к Богу всылающе за всь (весь) мир, хотяще Бога оумолити. Ти же (одни из них) в монастырех, а инии на столпех около Иерусалима и по всей земли, им же и мяса (мѧса) к костем присхла суть сухотою яди, иже могуть вскоре верою вся(ѧ) прошенья творити и горы преставля(ѧ)ти, рекше, больным и недужным помагати и всякого гнева Божия к напасти молитвами своими отводити. И к ним припадати (припадайте) и к тем святым, местам приходити, и от тех благословения просите, и тех в домы своя вводите благословения деля(ѧ).

15. О спасающихся в миру
Разумейте убо, яко не спасеть место никого же, но дела спасуть или осудять. Энох бо, в миру живя, спасеся, имея жену и чада. Зри же Адама, како друг Божии наречеся, имея жену и дети и слуги многи, и именья бес числа; виждь, как Лот спасеся, живя в Содомех, в беззаконных человецех; разумейте же и о блаженнем Иеве (Иове), иже царь бе на въсточней стране, богатство и славу имый, жену, рабы и рабыни, села и скоты, и тъ (сей), в миру живя, спасеся. Так же Исак, Ияков, Иосиф, и инии святии мнози, в миру живя, спаслися. А место не спасет злотворящих. Слышасте же, яко Моисей и Данил пророк и трие отроци не в пустыни, ни в монастырех Бога умолиша, – Моисеи в Черьмном море, Данил во рве, трие отроци в пещи, Иона в чреве китове, и услышан бысть разбоиник на кресте вися, един глас испусти породу (рай) ему испусти и отверзе. Но оставлю многия, реку же о Езекеи, и о Монасеи, и о Новходъносоре, и о Давиде, и о Равии блудници: бес числа убо живуще спаслися суть. Павла же апостола, и сами весте, како обратився и прият бысть Богом. Да никто же ся сим блазните: на всяком бо месте обретается спасение Божие, аще в правде пребудем, волю Божию творяще. А место не спасеть, ни осудить. Аще хто в монастыри живет или в пустыню идет, а норова зла не останеться – и тамо погубить душю свою. Не спасет бо чернечьство, аще добрых дел не будет. Пребывая в Законе Господни и правду творя, в миру живя, спасеться. Богу нашему слава.

16. Слово Св. Иоанна Златоустого о глаголющих, яко немощно спастися (живущим) в миру
Известно да есть, яко не спасет нас место, аще не творим воли Божия; но кождо ум изволением к Богу; несть бо пособия от честна сана, ни от места свята не творящему воли (заповеди) Божия. Который бо сан боле (боли) Адамова безсмертия, кое ли место краснее породы (рая) из нея же Адам изгнан бысть, преступив заповеди Божия, что ли укоризнее (укоризние) гноища, на нем же седя Иев соблюде (сохрани) заповеди Божия и в рай вселися, Саул же во царствии сый (будучи царем) и во многоценных палатах, а не творя дел добрых, сию жизнь погуби, а оноя не улучи (а той не обрете), Лот же в Содомлянех и в беззаконных людех (среди Содомлян и беззаконных людей), сотворив заповеди Божия и спасен бысть, и венец со святыми прият. Да иже кто глаголет, немощно спастися в миру с женою и детми живуще, таковый лстит себе невеглаством (неведением): везде бо приимет нас Бог, аще заповеди Его сотворим, а место никого не спасет, ни осудит, но дела когождо или спасут или осудят. Аще, братие, и в миру живем, не отчаемся (своего спасения); аще и согрешим что, то паки покаянием прибегнем к Богу, и будем милостиви и податливы бедным и немощным излишным нашим (излишком нашим); тех бо деля Бог излише поручил есть нам, а ни скем бо (ни с кым же) не родилося имение. Того ради сам дай от себе: много бо пособие души еже своею рукою давати. И егда милостыню твориши, то немози послух (свидетелей) поимати с собою, от ближних же роду своего не презри. Первее домашняя своя и род свой беспечали сотвори; тоже и инем милостыню твори. Се бо лицемерие есть, еже чюжая сироты наделяти, а род свой или челядь нази и боси и голодни (оставляти). Како же душами их попечешися, а телеснаго неисправя, то како в страх Божий приведши их, а телесными недостатки оскорбляя их? Оле несмысльства и злосердия! Неслышасте ли писания глаголюща: блажен человек милуя раб своих, и не оставит в скорби роду своего. Аще бо оскорбляя своих, а инех милуеши, речет бо и тебе Господь: лицемере, ослепленне (ослепленный) злобою! первее бервно (беревно) изми из очию твоею, да прозриши изяти (изѧти) и сучец из ока брата твоего (Лк. 6:42).

17. Слово святых отец к християном, иже кто оставляет жену и дети и отходит в монастырь
Реку вы, братие, послушайте любовно. Аще в мире есте и в богатстве живете, известно да увесте, иже рече блаженный апостол Павел, пиша к Тимофею, рече: богатым в нынешнем веце запрещай не высокомыслити, ни уповати на скоро гибнущее богатьство, надеятижеся на Бога (дающаго нал обило – изобилие) в наслажение благодеянию, богатети же добрыми делы (1Тим. 6:17–18), и быти щедрым к сиротам и вдовам, и маломощным, и обидимыя избавляти, и милосердым и кротким быти. Гнева не имети, ни завидети, ни осужати, собирати же себе основание вечныя жизни и царства небеснаго. Видите ли, братие, яко и богатство несть зло, аще добре строим; аще ли же кто, нищеты деля, отходит в монастырь, или детей немогий кормити, отбегает их и немогий печаловати ими; то уже не Божия деля любве отходит. Таковый ни потрудитися (Богу) хощет, но чреву угодное творити; отбегая бо кто порожения своего, таковый веры отмещетъся и горее поганаго есть, яко же рече: бывает бо вина клятве мнозе. Оставленныя бо (им) дети гладом измирают, и зимою босы и наги (нази) изнемогают, плачют люте (горько) и кленуще ся глаголют: почто нас отец наш и мати родиша, оставиша бо нас в велицеи беде и в велицей страсти быти. И аще бо, братие, повелено нам чюжая сироты кормити и не презрети их, то колми паче своих не оставляти. Везде бо приимет нас Бог право и по закону живуще, а не спасут нас и черныя ризы, аще в лености жити начнем; аще ли же сотворим заповеди Божия, то не погубят нас и белыя ризы. Тем же, братие, аще кто богат, то буди щедр и милостив, и сотворяя заповеди Божия, то и в миру живя (будя) спасешися. Аще ли же кто убог, то делай своими руками и свой хлеб яжь и своих от того кормя, татбы же и клеветы уклоняйся и всякаго зла, да спасешися. Рече бо Господь: ему же дано бысть много, то больши и взыщется от него (Лк. 12:48); тем же малое сиротиное подаяние от своего труда, то велми преспеет и великих даров даемых богатыми. Не черньцем бо речено бысть: се наг бых, не облекосте мене, странен, не введосте мене, болен, не посетисте мене и прочая (Мф. 25:43), а черньцем речено ни из монастыря всегда исходити. Что же черньцы дадят, а они сами от иных приемлют милостыню? Не пустынником речено се: в темницы бех и не приидосте ко мне; но вся та речена бысть християном в миру живущих деля; сим да спасени будут.

18. Слово Св. Василия о том, како дается от Бога ангел человеку на соблюдение
Иже в вере суть християньстей, всякому человеку дается ангел на сохранение во весь живот его; мы же делы злыми прогоняем его от себе. Якоже бо дым отгоняет пчелы, а голуби злый смрад; тако и хранителя живота нашего ангела злая наша грехи: пьяньство, блужение и прочая злоба, – тии ангелы от нас отгоняют (отдаляют). О том бо пророк рече: не даждь на подвижение ноги твоея, да не воздремлет храняй тя. Подвижение ноги апостол Павел известует (свидетельствует), еже на позоры многи и на игры текут паче церкви, а кощуны и басни паче книг любят, – а еже воздремлет, рекше – отбегнет злоб ради наших. Егда бо сотвори Бог человеческий род и ангелом повеле соблюдати я, и всякаго вернаго человека душу его ангел направляет на вся благая, беси же верным много блазнят, паче же богоугодно живущим, дабы их царства Божия лишити; но ангел Божий не оставляет, соблюдая их. А неверным неблазнят беси, но лстят (соблазняют) верныя, да быша с ними осудилися в муку. Егда же верный человек в правде живет, то ангел Божий радуется о нем; а егда начнет нетворити истины, но лгати и красти, упиватися и завидети, к церкви не ходити, гневатися, обажати (клеветать), скуп (скупу) быти, – то ангел Божий скорбит о нем, а беси ликуют всячески, и на лютейшая злоба сводяще (сводят и). О том бо Великий Василий рече, яко ангели написуют имена всех человек, без гнева и без злобы приходящих во церковь, и вся молящаяся и постящаяся. Блюди, о человече, да не лености ради лишишися ангелова написания. Всякому бо верному человеку комуждо ангел от Бога дан бысть, той бо вся добрая дела написует (а бес же злая написает) неверным человеком. Коейждо стране един есть ангел Божий, якоже писание рече: постави пределы языком по числу ангел Божиих. Антиох рече: подобает нам внимати себе полезная, яко два ангела есть с человеком – един праведный, а другий сатанин. Божий же ангел кроток и молчалив и милостив и благочестив. Егда убо сий на сердце взыдет человеку, то советует о правде, и о чистоте, о смирении и о покорении, о любви и милостыни; лукавый же ангел сердит и горд, завидлив, гневлив же и скуп, братоненавидлив и непокорлив, и вся его дела зла суть. От дел убо коегождо да познаем и не дадим в себе места лукавому, но страхом Божиим отженем его, а праведному ангелу Божию отверзем сердце и приимем его, да на истину наставит нас, и от пронырства дияволя и от всех соблазн его избавит нас, о Христе Иисусе.

Слово Иоанна Златоустого како подобает к церкви приходити с верою


Источник: https://www soika.pro/dok/veroispovedanie /rus samobjitnaja/
Категория: Святоотеческая литература | Добавил: сойка-soika (05.04.2022) | Автор: Сойка-Soika W
Просмотров: 16 | Теги: Поучения о разных истинах веры, благочестия и христианской жизни П. | Рейтинг: 0.0/0
Всего комментариев: 0
avatar