Поучения о разных истинах веры, благочестия и христианской жизни П.В. Владимиров ( 1)

Стословец св. Геннадия, или учительные наставления о вере и благочестии

Еже убо имети правоверную веру, – основа добрых дел есть, тем же от веры начнеться слово веры ради твоея написати, ключ на спасение, числом сто. Господи, благослови!
1. Веруй во Отца и Сына и Святаго Духа, в Троицю нераздельну и несоздану, едино Божество, Отца не рожена Сына рожена, а не создана, исходяща, трие в единой воли,4 едино поклонение от всея твари, и ангел и человек, приемлюще, и превечну,5 пребывающю в веки.
2. Оплощение (воплощение) Сына веруй, истинно суще, а не привидением, в две естестве, божество и человечество, Бога по божестве (Бога по Божеству и человека по вочеловечению).
3. Рожьшюю же Его Матерь Богородицю нарецай, Деву сущю и Матерь; веруй Матерь, яко роди и воздои (вскормила Его), и Деву же, яко Девою пребысть и пребывает.
4. Кресту Христову с верою покланѧйся, яко на томь спасение всем человеком сдела Господь.
5. Иконе Христове и Пречистыя Его Матери и всех святых (Его) с верою честь въздай, яко к самем (как бы к ним самим) любовно в молитве глаголи.
6. Святым оугожьшим Богу молисѧ, акы помощникы суща и заступникы притекающим к ним, понеже прияша дерзновение к Нему, акы оугодни раби к своему господину.
7. Мощи же святых с верою целуи и честь въздаи, яко честным (как достойным чести), понеже Христа ради (делѧ) пострадаша.
8. Таинам Божиям веруй, и Телу и Крови Его с страхом причащайся, да причастник будеши царствию (царствоу) Его.
9. Неверьство отметай, и не рци (не спрашивай), како (бывает) тело хлеб и како вино кровь, но слыши, како ти (сказано): не възможьна от человек, а от Бога вся възможна суть (Мк. 10:27).
10. Веруи въскресению мертвых и жизни будущаго века, по неложному (по неизреченному) словеси Господню, еже в иеуангелистем слыши (слышиши) оучении.
11. Помни суд, чай ответа и въздания (воздаяния) по делом, и веруй яко будеть.
12. Посем възлюби Господа Бога своего от всея душа своея, и от всея крепости, и подвигни (направляй) всѧ твоя дела и обычая правы к того (Его) оугожению творити.
13. Пакы же искренѫго своего възлюби, с ним же в единой купели породися (рекше, сиречь), всѧкого крестьянина (хрьстьяна – Св. Из.), паче же (вернее) брата: всхожу, рече, к Отцу Моему и Отцю Вашему (Ин. 20:17).
14. Страх Божии воину (всегда) в сердци имей, памѧтуя, яко ту сущю Бога с тобою (памятуя, что Бог всегда с тобой), на всѧкомь месте, идеже идеши или сѧдеши (седиши).
15. Страхом же Его, яко оуздою, оброздай (воздерживай) оум свой, въстѧзаясѧ (наблюдая за собой) во всѧ часы, да не без стѧгновения ходѧ пустошным пооучишисѧ.
16. Поклонѧи главу свою всѧкому старешему тобе, и временем (годами) и разумом, – смереныя бо въздвигнеть (возвышает) Господь (Лк. 1:52).
17. Меньшая тебе и малыя верстою (возрастом) с любовью приимаи и милуй, и к Богу о них въздохни, акы новоначенше (как о новоначавших) познавати Бога.
18. Другы и своя и сверьстныя собе любовью сретай, и с обѧтием (объятием) целование даи им, яко Елисавефь (Елизавета) и Мария.
19. Кнѧзь бойсѧ всею силою своею. Несть бо страх Божии на пагубу души, но паче наоучишисѧ от того боятисѧ Бога.
20. Нерожение (нерадение и небрежение) бо о властех – нерожение о самом Бозе: иже на власти земней видимаго бо владыкы не бояйсѧ, како оубоитьсѧ его же не видить?
21. Боитсѧ оученик оучителева жезла, паче же самого оучителѧ; тако и бояйсѧ Бога оубоитъся и цесаря (Цр҃ѧ), им бо кязнѧтьсѧ съгрешающии. Цесарь бо есть Божии слуга к человеком милостью и казнью.
22. Посем же всѧкому человеку (богатоу) главу свою покланѧй, смерения ради. Древо бо многоветвено поклонениемь подидеши (поклонившись подойдешь) и мимо идеши.
23. Приимшии бо власть и имение от цесарѧ (Цр҃ѧ) своего и от дроугов своих славы требуют, а от менших покланѧния просят.
24. Простейшаго в всемь (во всем) ищи, и в брашне и в одежи, и не стыдисѧ нищетою, понеже болшая часть мира сего в нищете есть.
25. Не рци, яко богата мужа сын есмь, и срам ми есть нищетою; никто же бо богатее Христа, Отца твоего небеснаго, родившаго тѧ в купели святей и в нищете ходивша, и не имуща, где главы подклонити.
26. Правдою оукрашаисѧ и всѧкому потщисѧ истинно глаголати; не мози, стыдевсѧ лица, лжи послух (свидетель) быти.
27. Пред кнѧзем же паче бойсѧ лжю глаголати, но с покорениемь истинно отвещай ему, акы к самому Богу.
28. Аще, по времени, не истинно что взглаголет ти (царь или князь), а тобе сведуще (а ты знаешь истину); блюдись, еда искушает тѧ (не искушает ли тебя) – блюдеши ли (бережешь ли) своея душа? И аще явишися не истиньствуя, не можеши оуверитисѧ ему, яко блюдеши и оного душю.
29. Аще правду ти глаголавшю, в гнев впадеши от кого любо, не скорьби о том, но паче оутешайсѧ реченым от Бога: блажени взъненавидени правды ради, яко тех есть царство небесное (Мф. 5:10).
30. Кроток буди ко всѧкому человеку, и к стареишим тебе и к меншим: лицемерна бо любы, и болших оустыдевшесѧ, а меншая озлобити.
31. Кротко ступание имей, кротко седение, кроток взор, кротка всѧ в тобе да будеть, – от сих бо истинный крестьянин наречешисѧ.
32. Кротость же есть, еже никому досадити, ни в словеси, ни в деле, ни в повелении, но всѧкому человеку нравы своими оугодити, ослабити (осладити) сердце.
33. Ум свой присно от суетных помыслов оставайсѫ (отвлекай) и въспущай (возводи) Господу 1) горе. Сим же на стезю подвига вступавши, душю же от раслабления свобожаеши.
34. Несть дивно человеческу сущьству низъпадати к земным, но иже (еже) падшесѧ не встати; кто бо заблудив (сбившись с дороги) пути не взиска? (Так и ты: расслаблен ли есть отчаянием днесь, а (то) оутрешний де)нь отдай же (на подвиги).
35. Славы земныя ни в коем же деле не похощи: слава бо земьная ругаеться (угасает – Катех.) любѧщим ю; припахнувши бо человеку в мало времѧ и плод добрых дел обронивши, въскоре же отшедши, посмеетьсѧ неразумью его.
36. Се неразумье же оубо есть, еже приходящим благостыням вечьным даром благаго Бога ти не пождати терпением и верою; (нъ – но) о земных обрадоватисѧ и тех приятисѧ, акы неверующему въскресению.
37. Аще бо бы слава мира сего приближиласѧ славе небесней, не быша сынове мира сего распѧли Господа славы; то кый раб дерзнет в том дому обитати, иде же Господа (господина) его не признаша?
38. Бещестье (незаслуженное) люби, акы чашю пелана (полыни) приимати. Аще и притраньно (горько), ти есть, но на прогнание греховному недугу; ибо грех сладостью вниде, горестью же да проженетсѧ.
39. Желающия (желающему) вечныя жизни худе земьных причащающюсѧ и воину (всегда) мыслѫщю о исходе своемь, не стужить (емоу) человечьско поношение, яко бо гость пришед в мирос (в мир съ – в сей мир), стерпит бещестье господы своея, понеже оутро надеетсѧ отити.
40. Иже хощеть славен быти в семь мире, бещестья не терпить; веру же держа, бесъславье любить; помышлѧет реченое от Бога: како оубо можете веровати, от человек славу приемлюще, славы иже от иночадаго (единочадного, Единородного) и нещете (славы не ищете). (Ин. 5:44).
41. Алкоту и жажю Христа ради люби. Елико бо пакость твориши телу (поскольку усмиряешь тело) и души благодать зижеши. Въздаяй бо (воздающий) суд противу (по) делом, словом и помыслом въздасть пакы и благая за мало (воздаст добром и за малое), еже его ради потерпим.
42. С мучеными Христа ради хотѫй ликоствовати, предай же тело на пост, волю на попрание, оутробу на алкание, сердце на крепость, кровь же, аще не на пролитье извону (извне), то внутрь исучи (иссуши) ю сухотою яди, да приимеши обетованая.
43. Веси, яко призывающии царѧ, очищают полату. И ты, аще желаеши Бога своего в дом телесный въвести на свет жизни твоей, освяти тело постом, истреби (истощи) жажею, оукраси смерениемь, накади благооуханьною молитвою.
44. Свет оубо – свеща в храме, свет же в чювьстве молитвеный разум; ясн же оубо свет от свеща, не сущю вмесу некому (когда без всякой примеси), светла же молитва не примесна мыслей земных (когда не примешиваются к ней земные помыслы).
45. Молитвы же – душевныя пища – не отгоняй. Яко жить (тужить) тело и отнемогает, пища лишаемо; тако и душа, молитвныя сладости лишаема, оумертвие оумное приближает(ся).
46. Храни свещю от ветра, молитвы же от лености, оукраси ю, яко невесту, монисты – бденьем и трудом, терпение(м) и милостынею; да похоть (да похоштеть) ея Цр҃ь Небесный.
47. Предай же хотение (свое) Богу, ведущему всѧ преже бытия человеку, и не проси воли твоей быти, – всѧкаго человека мысль о неподобных (не ползьныих), – но глаголи к Богу: да будет вся (воля) твоя (Мф, 6:10). То (тъ) бо (Он) строит всѧ на ползу нам, ихже мы плотнии не вемы.
48. Въстени (постони – Кат.), акы мытарь, прибегни акы блудный, оумилисѧ, акы Ахав, прослезисѧ, акы блудница, зови, акы Ханаоныни (Хананея – Кат.), предстой, акы вдовица, молисѧ, акы Езекыя, смерисѧ, акы Манасия; аще тако молишисѧ, прииметь благый Бог молитву твою, акы мати младенца.
49. Тайно место обрет и сед, с тихостью помѧни грех и отпадение царства (Небесного) и оумилисѧ сердцем и разумом и образом, преклони главу и рци с стенанием: ох мне, яко пришельствие мое оудалися (продолжися) и кто даст главе моей воду и очима моима слезы! оувы мне, яко близь есть день Господень!
50. Слез ли не имаши, но не отчайсѧ, вздыхай же часто и тѧжко от всего сердца: слезы бо суть дар Божий, и помалу (мало-помалу) с въздыханием и молением испросиши я оу Бога: ища, обрѧщете, просѧ приимите и толкущему отверзаеться (Мф. 7:7).
51. Обрет слезы, храни я всею силою своею. От объяденья и пьянства, паче же от осужения всѧкаго человека (оберегай себя), своему делу зазирая (зазирай), а человека, его же не созда, тому не суди.
52. Се не веруй ни очима своима (не доверяй и глазам своим), аще видиши съгрешающа кого, яко и те (очи) не верне еста; ибо и первее очи в раи Адаму соблазнистасѧ, и падение нам от взора бысть.
53. Безъгрешнаго бо есть дело, еже грехом судити (чужим). Кто бо без греха, разве един Бог (кроме единого Бога); То (Он) един не омерим (не измерим), и тому единому судити подобает сущим под мерою.
54. Иже бо имеет на ребрех язву, гноя исполнену, прыщьем чюжим негнуситься; (так и) помышлѧя (помышляющий) воѝну (всегда, постоянно) о множьстве грехов своих, николи же о дружьни съоблазне беседы съставити (никогда не захочет из соблазнов другого сделать предмет для беседы).
55. Еже съсоблазнившюся судити (человека соблазнившегося судить) – гордость есть; приточник же глаголет: Господь гордым противитьсѧ, смереным же дает благодать (Прит. 3:34). Иже бо по всѧ час (часы) ответ дати о гресех чает, то (тот) не скоро главы своея възведеть соблазн чужих смотрити.
56. Не буди город, да не хвалитьсѧ гроб, гордость твою объдержа, и оубогый полудне не почиеть на гробе твоемь и никоего же вреда приимет.
57. Червь смерен (низок) зело и худ, ты же славен и горд; но аще разумен еси, сам оуничижи гордость свою, помышлѧя: крепость моя и сила червем покоище бывает.
58. Помѧни первое прослывшаясѧ в храборьстве, в богатстве же и славе, яко (как они) без вести отъидоша и беспамятни быша (не оставив по себе памяти), худии же (между тем как бесславные) и оубозии в мире сем о души своей подвигшесѧ, – како ти на небеси прославлени и на земли хвалими, и святии суть и на помощь призываеми?
59. Видев мертвец несом (когда увидишь, что несут мертвеца) и яко свое естество помиловав (пожалей о нем, как о своем собственном естестве и) последуй ему (за ним) до гроба (до могилы). Двое бо благодеяниие приемлеши: оного ради смерти, свое оумертвие помѧнув смеришисѧ, и пакы – тело его помиловав и гробу предав, помилован будеши.
60. Болѧщаго посети, несый ему, его же желает вкусити, сам же послужи о немь, акы о своемь сроднице,ведый, яко и ты имаши пострадати тако же.
61. Стонюще оному тѧжко от болезни, ты жалостныя слезы испусти и вздохни к Богу о обиде его (о его болезни), в ней же есть; (и атше и лечьць прилучитьсѧ) ты дай же (даждь) мьзду (цену) ицеления его ради.
62. Оумирающю же ему, ты своими руками очи ему стисни (закрой) и оуста, и к Богу (о души его) от всего сердца помолисѧ, и омы рукама своима; аще и нищь (оубог) есть, попцисѧ (попецися) не нага погребсти его.
63. Зело оубо оуспешно (споспешествует) к покаянию и слезам – посещение оумирающим. Кто бо тогда не придет во оумиление, видѧ естьство свое в гробь исходѧще и имѧ его оугасше, славу же богатаго во тлю сшедшю.
64. Аще имееши дерзновение ко властелем и цесарем, поскоръби о обидимем от сильнаго и до пота побори по сироте да вменить Господь каплю пота твоего (наравне) с кровью мученическою.
65. Аще еси знаем цесарем то к тем, иже имут дерзновение к нему, – потужи о оубоземь, и Господь равно первому се творить и вменить ти (и Господь также вменит тебе это, как и первое).
66. Приклони оухо твое к просѧщему и обнажевшему (обнищавшему) в житье сем; заплати (исполни – Кат.) своим избывающим (твоим изобилием) и оного недостаточною ризу (его нищету).
67. Взведи очи свои милостивно на седѧщая в наготе и зимою скорчившасѧ (дрожащего от стужи), понуди естьство свое покрыти одежею, лежащею оу тебе, и Господь дасть ти пакы сторицею жизнь вечную.
68. Простри руку свою скытающимсѧ по оулицам, введи (таковые) в обитель свою, и обьщь ти будет хлеб с ним, и обща чаша пития или воды, якоже Господь даст.
69. Странна введи (в дом свой), беспокровнаго (бескровного) в кров, дайже мокшему сухоту, зимному (иззябшему – Кат.) теплоту, омый96 скверьну тела его, яко оубог есть зело и достоин помилования.
70. Посети сущих в темници, по Господьну велению, вижь беду (их), вижь страсть и рци: «ох мне! си за едино согрешение стражют, аз же по всѧ часы владыце моему Христу согрешаю и во лготе (легкоте – Кат.) пребываю (пребываем)».
71. Аще видиши кого от них по оклеветанию стражюща, помози ему Христа ради, яви истину, к ним же оклеветан бысть (открой истину тому, пред кем он оклеветан): иного же спасения несть ближша сущаго царѧ и вельможь разве и иже обидимыя избавлити.
72. Сидѧщю ти над многоразличною трѧпезою, помяни сух хлеб ядущаго и не могы (не могущих) воды принести, недуга ради.
73. Насыщая тело свое, дайже часть от трѧпезы твоея души своей, яко та честнейши телеси, – дай же душевную часть нищим, да съхранѧть ю, да егда въстребуеши, готово обрѧщеши: будет бо времѧ на исходе (в конце) и врат небесных (обрѧштет, ѥгда мъного) требовати имате (когда будете нуждаться в милости и помощи Божией).
74. Насыщаясѧ многоразличнаго (многослатняго – Кат.) питья, помяни пьюща теплу воду, от солнца въстопившюсѧ (согревшуюся), и ту праха (пыли) нападшю от места незаветрена.
75. В богатстве сы и земных благ изобилье имея, помни слово Аврамле к богатому: въсприял еси благая в животе твоемь, якоже оубогий злая, тем же он веселится, а ты отражеши, (Лк 16:25).
76. Възлег на многомѧгцей постеле и пространно протѧгаясѧ, помѧни на голе земле лежащаго (под единем) рубомь (рубищем) и не дерзнувша ногу простерти (недуга и – Кат.) зимы ради.
77. Лежащю ти в твердо покровней храмине, то слышащу же оушима своима дождевное множьство, помысли (о) оубогых, како лежать ныне, дождевными каплями, яко стрелами, пронажаеми, а другыя, от неоусновения (не имея возможности уснуть) седѧща, водою подъяты.
78. Сидѧщю ти зиме (в зимоу) в тепле храмине, без боязни изнажившюся (обнаживши тело), въздохни и помысли о нищих, како клѧчат (нагибаются) над малым огнемь скорчившесѧ, – болшюю же беду очима имуще от дыма, руце токмо съгревающе, плещи же и все тело мразомь измерзъше.
79. Духовная гони (стремись к духовному), духовная помышлѧй, а не земная, ведый, яко по нетленному одеяния крещению, вси равни суть, убозии и богати. Темже и блюди еда по земному помышлѧя (презриши) приодети оубогатаго тленною одежею.
80. В церкви Божии зовущи (когда церковь Божия зовет) на молитву, оставив дело земное кое любо, и иди со тщаниемь на душевную пищу, акы Петр и Иоан к гробу Господню.
81. Идущю ти в святый храм, еда на кого разгневалсѧ еси в коемь любо деле потщисѧ гневный облак разгнати, да, яко солнце, осветит душю молитвенная доброта.
82. Скрываеть ти мрачный облак (как мрачное облако скрывает) солнечную светлость, (так) и губить молитвенную красоту помнение (расположение) гневное.
83. Въступив в двери церковныя, помысли сама врата небесная прошед, и тогда всю годину тайную со страхомь и трепетомь стой, смотрѧ верою бываемых, и телесныма очима и душевныма, тогда и сам пременися от земных мыслий на небесная.
84. Видех Христа закалаема в жертву ко отцю за весь мир (в таинстве евхаристии), аще немощен еси, помысли – плотѧн сы(сый), токмо въздев руце, и рце: слава твоему многому человеколюбью (Христе Боже)!
85. Размышлѧй частая съгрешения человеческая, премьногое же человеколюбие Божие и бещисленое, еже на человечестем роде имать, како съгрешающим нам терпить и до последнѧго издыхания, ожидая покаяния.
86. Темже варим (предварим) лице Его покаянием: припади, потщисѧ, припади пред Богом и всплачись пред створившим тѧ; зови милость Его, приглашай щедроты Его (проси щедрот Его), даже (пока) смерть не варить (не застигнет тебя).
87. Не рци: много согреших и беззаконовах, и не имам дерзновения, иже (яже) к Богу припасти; ни, оубо: не отчайсѧ и не прилагай(сѧ) токмо (только) согрешением отселе (отныне), – и силою всемилостиваго Бога ни имаши посрамлен быти.
88. Не ложное (не лъжьн) рекий: приходѧщаго ко мне не ижену (ижденоу) вон; по сих всех (а затем): ко мне обратитесѧ, и Аз ицелю вы (Ин. 12:40), и – не хощю смерти грешнику. Темже, дерзай и веруй, яко пречист сый приближающихсѧ ко нему очистить.
89. Аще хощеши истинное покаяние прияти, то яви деломь: аще гордости каешисѧ, покажи смерение, аще ли пьяньства, то покажи пост, аще ли любодеяни, то покажи чистоту, оуклонибосѧ от зла и сотвори добро (Пс. 33:15).
90. Токмо не ожидай, в тине греховней еда погрѧзновение приимеши, и внезапу въздъхнеши, и не будет послушающаго, егда ангел Господень, не пожидая, пред очима ти станеть, врази(же) твои, яко облак покрыются (– тя, – покрыют тя).
91. Внимай души своей (подумай о душе своей), яко едина ти есть, и едино времѧ живота, и не доведом (не ведом) конец, и непроходна пучина въздуха и враг твоих исполнена, несть же помагающаго, разве и добрых дел, – темже всею силою взищи их.
92. Въступи на добродетелий стезю, пойди скоро, даже вечер не постигнеть, потщись ко вратом небесным (града Вышнего), ни въскланѧйсѧ ни налево, ни направо, да не заблудиши в пропасть (в пропасти) мучения.
93. Епископом и попом (пастоухом) Христова стада, пастухом словесных овец, главу свою покнѧй и припади к ногама их, и моли, да дастьтися (дастся) благословение от них (благословение Божие – Кат.).
94. Прозвутера (прозвутеры) же, иерея Христовы, предстателѧ тайней его трѧпезе и дробителѧ телу его, всѧкою честью почести я и со страхомь взирай на нѧ.
95. Такоже и дьяконы (иподьяконы), анагносты, акы служителѧ Божиѧ, с верою помышлѧй, и тщисѧ ни единому их ни в чем же прегрешити (оскорбити – Кат.).
96. Аще оубо стоящих пред цесаремь чтиши с страхомь, бояйсѧ и словом пререщи им, како оубо не разумееши о слугах цр҃ѧ небеснаго?
97. В манастырѧ же, в дому (в домы) святых, потружайсѧ дойти, вижь житье их и строение, и чин и оустав, – видев бо пребывание их, окаеши (осудишь) свое житие и оуправишисѧ оттоле (и оттоле начнешь исправление).
98. К сущим (же) в горах не ленисѧ дойти, ищи молитвы, взищи благословения, и аще что имееши телесныя потребы, донеси им (и) приимеши душевную пищю (потребоу).
99. Паче же всего черноризца (всякого мниха – Кат.) не тщисѧ минути бес поклонения, аще бо знаемым точью поклонишися и говееши им, то по сдружению (съдроужию) то есть, а не по честе (чьсти, чести) образа, сущаго на них.
100. Конець же всем прежереченым: взлюбиши Господа от всея душа, и страх его да будеть (да пребывает) в сердци твоем, прав (праведен) буди, истинен, смерен (кроток, покорив), очима долу поничин, а оум к небеси простирая, оумилен к Богу и к человеком приветлив, печальным оутешитель, терпелив в напастях и нищете, щедр и милостив, нищим кормитель, страньноприимьник, скорбен греха ради, весел о Бозе, алчен буди и жаден, кроток, не славохотен, не златолюбець, но друголюбець, – не горд, боязнив пред цесарем, готов в повелении его, в ответех сладок, часто молитвеник, разумен, трудник к Богу, не судѧ всѧкому человеку, поборник (попьрник) обидимым, нелицемерен (и будешь чрез все сие) – чадо въскресения, сын Евангелия, наследник будущаго века о Христе Иисусе.

Поучение любовно


Источник: https://www soika.pro/dok/veroispovedanie /rus samobjitnaja/
Категория: Святоотеческая литература | Добавил: сойка-soika (05.04.2022) | Автор: Сойка-Soika W
Просмотров: 10 | Теги: благочестия и христианской жизни П., Поучения о разных истинах веры | Рейтинг: 0.0/0
Всего комментариев: 0
avatar